Dizionari de Lenghe Furlane

mincjonâ  min|cjo|nâ  [CO]

1. v.tr. (pop., coloc.) ridi e fâ ridi di cdn. cun ironie o ancje cun tristerie:  al tignive a ments dut, plasês e displasês, tant che un cjan. Un lu veve mincjonât di cleric e lui al à spietât 35 agns, prin di rivâ a svindicâsi (Antoni Beline, Pre Pitin); "Ben no stâ lamentâti, tu âs fat alore i toi capitâi." "Che al mincjoni, che al mincjoni lui; ma ca lis robis e van malut…" (Bruno Paolo Pellarini, L'anel striât)
   Sin. cjançonâ , cjoli vie , gabâ , remenâ , ridi vie , sbefâ , sbefaçâ , sbufonâ , scuarnâ , sorâ , ridi fûr , ridi , coionâ
2. v.tr. fâ o dî alc par scherç, no sul seri:  o stoi al convignût: / i bêçs son pronts, e ca no si mincjone (Pieri Çorut, Il fit di cjase)
   Sin. scherçâ , mateâ , palotâ
3. v.tr. fâ fâ a cdn. la figure dal biât fasintji crodi alc che nol è o gjavant un vantaç in so dam
   Sin. freâ , freolâ , inculâ , taconâ , imbroiâ , foti , bigulâ , coionâ

Proverbis:

• cui che al à il cuel grues che nol mincjoni cui che al à la gose
• cui che al mincjone al reste mincjonât
• cui che al mincjone al ven mincjonât