scherçâ
scher|çâ
[AF]
-
v.intr.
compuartâsi, fevelâ, discori cence serietât e impegn, fasint ridi o fasint ligrie o cjolint vie cdn. o alc:
vuê l'è un dì di alegrie, / si scherce in compagnie, / si ûl ridi e no vaî (Pieri Çorut, Il gustâ);
la voie di ridi e di scherçâ ur è lade jù pai talons (Giovanni Gortani, La teme - Une gnot intun cjastiel)
Sin. mateâ
-
v.intr.
fâ o dî alc o compuartâsi o vê a ce fâ cun cdn. o cun alc cence pensâ che a sedin consecuencis, cun superficialitât, cence rispiet e v.i.:
"No stâ crodi di scherçâ cun me, sâstu, che ti doi un pataf che il mûr ti 'nd da un altri […]" (Vittorio Vittorello, A ogni cost);
"Cul onôr, benedete, no si scherce […]" (Pieri Somede dai Marcs, La buteghe dal barbîr);
invezit nol jere gran da ridi, parcè che cul cancar no si scherce (Alan Brusini, Il malât di Cime Undis)
Sin. mateâ
, zuiâ
, palotâ
Proverbis:
- cui che al scherce di man al scherce di vilan
- cun domine Diu no si scherce
- scherce cui fants e lasse stâ i sants
- scherce cui fants ma lasse in pâs i sants