molâ fûr
[CO]
-
loc.v.
fâ vignî fûr:
al molà fûr la cjavre, e dopo al parà la vacje a passon suntun prât ad ôr dal bosc (Luigi Gortani, Sant Pieri e la code da vacje)
-
loc.v.
permeti di lâ fûr di un puest sierât o li che e je gjavade o limitade la libertât:
"Une gnove amnistie? … ce maniis che àn…" "Puare int, cuissà cetant pintûts e salacor in preson ancje cence rason." "Molâ fûr tancj delincuents!…" (Pieri Somede dai Marcs, Resurezion a Pontinie)
Sin. dâ fûr
-
loc.v.
tirâ fûr une part dal cuarp o fâ lâ fûr dal cuarp materie:
e spalanche la bocje e e mole fûr une cuarte di lenghe (Luigi Gortani, Il tor di Mueç);
lui, par starnudâ, al mole fûr une diaree che al sporcjà la principesse fin tal cuel (Andreina Nicoloso Ciceri, Chê de principine - Racconti popolari friulani I)
Sin. tirâ fûr
-
loc.v.
produsi un sun o dî alc:
e molave fûr un zigo di vitime… come di besteute che le copin (Maria Forte, La cjase dal Murat);
[lis animis danadis] a vaìvin a lagrimis di sanc, molant fûr maledizions e blestemis di fâ sgrisulâ (Luigi Gortani, La invidiose);
mio pari, par fâlu mateâ, al molave fûr cualchi barzalete o sui predis o sui fraris (Pieri Somede dai Marcs, Fra Silvio)
Sin. dâ fûr
-
loc.v.
dâ alc cun fuarce:
Zuanat, gaiarin tant che di vincj agns, al molave fûr bocâi di vin su lis taulis e fongadis di cuintâl sù pes schenis (Dino Virgili, La aghe da pît la cleve)
Sin. molâ
, dâ
-
loc.v.
publicâ:
i prefets a mandarin la proibizion a dutis lis stampariis di publicâ ancje une sole rie di furlan e sepi Diu ce vitis che e à fat la Filologjiche a molâ fûr, tra nûi di incens al "guidadôr", chel fregul di "Strolic" (Josef Marchet, La nestre lenghe)
Sin. dâ fûr
Components:
-
fûr
av., prep., inter., adi.inv., s.m.sing.
-
molâ
v.tr., v.intr.