lontan
/-àn/
lon|tan
[FO]
-
adi., av.
a grande distance tal spazi o tal timp:
lis cjampanis di cuissà ce cjampanii a suspirin la ultime cjante jù par dutis lis stradelis fûr di man, fin tai cjaveçâi dai cjamps plui lontans (Dino Virgili, Madone soresere);
un rivoc di une tradizion pierdude intes pleis di un passât lontan (Fabian Ros, Loreak, flôrs e cinise);
Il frêt al taiave lis orelis parcè che la Cereole no jere lontane (Maria Forte, L'avôt);
di lontan si sintive a sunâ la musiche (Pieri Somede dai Marcs, Bandiere)
Sin. distant
-
che al è a une distance che e ven specificade:
si sintilis a sbati [lis piecis che a lavin] plui di une mie lontan (Catarine Percude, Lis aganis di Borgnan)
-
adi., av.
(fig.)
che al è a une grande distance o a une cierte distance ideâl:
i furlans a son stâts piturâts tant che int pronte al riviel e violente, une vore lontane dal stereotip dal "salt, onest, lavoradôr" (Carli Pup, Il Friûl de Joibe Grasse dal 1511);
l'ûs di dôs lenghis intal insegnament de matematiche al è ben lontan dal jessi une semplice duplicazion dai mieçs di comunicazion (Carlo Cecchini, Matteo Fogale, Une esperience di plurilinguisim inte didatiche de matematiche)
Sin. distant
, separât
, diviers
, diferent
-
adi.
che nol è tai prins nivei di parintât:
in cjase al jere restât dome cualchi parint lontan di Rufine (Franca Mainardis, Il sium di Lissandri)
-
adi.
(fig.)
no ben definît:
o provai pe prime volte la pôre lontane che al fos mudât alc in pre Checo (Adrian Cescje, Memoriis di politiche linguistiche);
pues rassegnâmi, une lontane sperance… (Pieri Somede dai Marcs, Vilie di Nadâl (teatri))
Sin. lizêr
, malciert
, malsigûr
, indefinît
, smamît
Polirematichis e espressions idiomatichis
Proverbis:
- aghe lontane no distude fûc
- al vâl plui un vicin vicin che no un fradi lontan
- cercli lontan, ploie vicine; cercli vicin, ploie lontane
- cuant che il cîl al è dut a lane, la ploie no je lontane
- cui che al à bon nâs lis nase a la lontane
- cui che al à il nâs lunc lis nase a la lontane
- cui che al va planc al va san e lontan
- fâs un pas a la volte e va lontan
- i siôrs, amîs e lontans
- il cîl al è dut a lane, la ploie no je lontane
- il mani nol è lontan de fersorie
- il piruç nol cole mai lontan dal piruçâr
- il Signôr al rive di lontan
- lontan dai voi, lontan dal cûr
- sans e lontans
- se si vûl conservâ la amicizie, bisugne stâ lontans
- ten la puce lontan di cjase
