distant
/-ànt/
dis|tant
[AF]
-
adi.
lontan tal spazi o tal timp:
la citât, distante de ferade, si ingrumave suntune alture plache (Pieri Menis, Il «miracul» di un ûf );
voltâ cence tradî; cirî di capî ce che i autôrs a volevin dî e smicjâ a fâlu passâ tune culture distant miârs di chilometris e di agns (Antoni Beline, La Bibie par furlan: un at di fede, un fat di culture)
Sin. lontan
-
adi.
lontan a nivel psicologjic, emotîf, sentimentâl, ideâl e v.i.:
in altris peraulis no son i contraris a jessi i plui distants, a son i indifarents (Laurin Zuan Nardin, Libertât: il misteri e la sfide);
des dôs fuarcis de çampe, la prime, chê dal Psi, e je la plui distante de cause furlane (Adrian Cescje, Memoriis di politiche linguistiche)
Sin. lontan
-
adi.
che al à pocje someance, pocje afinitât, pocje compatibilitât:
"Cjale che la nestre raze no je tant distante di te: tu tu sês un de nestre raze!" (Checo Tam, Sense)
Sin. diferent
, discompagn
, diviers
, malavuâl