indefinît
in|de|fi|nît
[AF]
-
adi.
che nol è ben definît, che nol è ben clâr:
i viei a àn denant di lôr, come uniche prospetive, la muart, ma forsit no je chê la piês robe; piês al è chel toc di strade, scure indefinide vueide e spaventose, che a ju divît da la muart (Franca Mainardis, Aiar di cjase);
la idee di nazion, al puest di chê plui indefinide e gjeneriche di popul, o di chê plui antropologjiche che politiche di etnie, e varès vût di vuidâ lis ideis e i programs di azion des feminis e dai oms dal Moviment Friûl (Adrian Cescje, Memoriis di politiche linguistiche)
Sin. indistint
, indeterminât
, imprecîs
, inciert
-
(estens.)
che nol definìs cun precision:
e stave sul ultin scjalin, alte e biele plui di mai ta chê lûs indefinide di sore sere (Pieri Menis, Sul agâr)
-
adi.
che nol à o nol è destinât a vê une fin, un tiermin:
si sintive tal aiar […] che la Storie e podeve cambiâ direzion. Che il progrès nol pues sei indefinît, cence fin (Angelo Floramo, Cuintristorie dal Nûfcent 1970-1980)
-
adi., s.m.
[TS]
gram.
di adietîf o pronon, che al indiche in maniere aprossimade la cuantitât o la modalitât:
i adietîfs e i pronons indefinîts componûts di doi elements [si scrivin intune peraule sole] cuant che il secont al à flession e no il prin (Xavier Lamuela, La grafie furlane normalizade)
-
di mût verbâl, che i mancjin lis personis, tant che l'infinît, il gjerundi e il participi