inciert
/-è-/
in|ciert
[AF]
-
adi.
che nol è ciert, che nol è sigûr:
fâ fîs, cuant che il lavôr al è inciert, no je une sielte a cûr lizêr (Toni Capuozzo, Su la cuarde de imigrazion)
Sin. insigûr
, malsigûr
Cfr. balarin
, discutût
, discutibil
, opinabil
-
s.m.
ce che nol è ciert, ce che nol è sigûr:
us ai consegnade in afidament la leç di tutele che o vês fate aprovâ in Regjon e la cause de grafie, che cumò e je sospindude intes fumatis dal inciert (Adrian Cescje, Memoriis di politiche linguistiche);
ben spes il ciart si lasse pal inciart (Ermes di Colorêt, I, 37)
-
adi.
che al è pôc definît, pôc fuart, pôc vualîf:
dome une inciarte lûs rosse e vignive sù a trats dal fogolâr (Giovanni Pillinini, Discors cu la mari)
-
adi., s.m.
che, cui che nol à ciertece, che nol à sigurece:
il guvier al jere dividût fra republicans e monarchics, la opinion publiche e jere incierte (Giovanni Pillinini, Zuan Batiste Cavedalis - Une vite esemplâr);
al jere rivât, intant, denant de puarte di cjase di Line e al veve scurtât il pas, dibot fermantsi, inciert, temerôs (Roberto Ongaro, Cretevierte)
Sin. insigûr
, malsigûr
, esitant
Cfr. bacilot
-
che al mostre insigurece:
"Puedio domandâti - i disè cun vôs incierte, - ce che tu stâts leìnt simpri? […]" (Renzo Balzan, Tomâs al cîr la veretât)
-
s.m.
eventualitât negative, o ancje positive, che no si pues previodi cun sigurece:
"Grant bon vin a Bolzan, / disin che al sei un licôr?" / "No lu ai cercjât; chest an / l'è un inciart del fatôr." (Pieri Çorut, La rassegne)
Sin. pericul
, risi1
, riscjo
-
s.m.
vuadagn in plui, che no si pues previodi in maniere fisse:
la paie no je grande ma a son unmoncj di inciarts (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- mai bandonâ il ciert pal inciert
- no stâ lassâ il ciert pal inciert