balarin
/-ìn/
ba|la|rin
[AF]
-
s.m.
cui che al bale, che al fâs un bal o une danze intun ciert moment o che al à la passion dal bal o che al bale di mistîr:
al rivave il sun di une orchestre di bal, la ligrie dai balarins, il cjant di coro dai frutats (Pieri Menis, Sul agâr);
la int i diseve "Ustin Tumbar" a Ustin Favot o pûr, par fâle curte, dome "el Tumbar" pe innomine che al veve, in dut il circondari, di balarin di gale in ducj i bai, ma al spicave tal tango e massime tango argjentin (Ivano Urli, La musiche)
-
adi.
(fig.)
che nol à ecuilibri, o fermece o sigurece, che al va a pericul di colâ:
un taulin balarin (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
lis ultimis fueis balarinis sui ramaçs (Dino Virgili, La aghe da pît la cleve)
Sin. scloteât
, zighiot
-
che si môf, che al à moviments o vibrazions:
cui le menave, invezit, a cjalâ lis sôs aghis di frut, che a corevin la ombre balarine dai pôi (Maria Forte, Cjase di Dalban)
-
de tiere, che e pues vê taramots:
e se al vignìs - crepe, strolic! - un brut taramot, ce si fasaressial di bessôi? Ma, par gracie di Diu, la tiare balarine no je cheste (Josef Marchet, Fevelâ par dibant)
-
adi.
(fig.)
che nol à stabilitât, costance, durade e v.i.:
o vevi compassion però ancje pal so vivi balarin e cence continuitât (Carlo Sgorlon, Il dolfin);
"A son parons balarins " dissal "no devin durâ a lunc: a àn za pôre plui di nô!" (Riedo Pup, Il prin moto)
Sin. inciert
, insigûr
, precari
, malciert
, malsigûr
, instabil
, volubil
-
s.m.
[TS]
ornit.com.
viôt vidul
Polirematichis e espressions idiomatichis