instabil
/-à-/
ins|ta|bil
[CO]
-
adi.
che nol à stabilitât, che nol à un ecuilibri salt tal spazi o te struture:
[…] la sistemazion dai cors di aghe, il consolidament dai versants e des areis instabilis […] (Marta Vezzi, Sostignibilitât ambientâl ancje pe nestre mont)
Sin. malsigûr
, balarin
-
adi.
che nol reste compagn o prevedibil tal timp:
no fermâ il voli dentri dai confins nazionâi che a son la cjosse plui instabil, plui false e plui balarine di chest mont (Josef Marchet, Su altris fondis)
Sin. malsigûr
, balarin
, inciert
, variabil
, incostant
-
adi.
[TS]
sient.
di sisteme o ecuilibri, che une volte che al ven turbât nol à la tindince a tornâ come prime:
une atmosfere avonde instabile e pues jessi determinade no dome di un disfredament dal aiar adalt, come tai câs che o vin za viodût, ma ancje di un riscjaldament dal aiar che al è in contat cul teren (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
chim., fis.
di isotop, che al à tindince a vê reazions nucleârs che lu trasformin:
il metodi [di datazion] si base su la esistence in nature di trê sortis di isotop dal Carboni, doi stabii (il C13 e il C12) e un (il C14) instabil (Andrea Pessina, Gaetano Vinciguerra, La preistorie in Friûl)