salvâsi sal|vâ|si [AF]
-
v.pron.intr., v.pron.tr.
rivâ a tignîsi fûr dai efiets di un pericul o a vignî fûr di une situazion di pericul:
dopo vot dîs di ploie la aghe de Sfueime e jere cressude di fâ pôre: ur jere rivade fin ai cops. Alore la int a vevin scugnût lâ a finîle sul cuviert par salvâsi (Alan Brusini, Amîs come prime);
si cjatave ancje lui a jessi su la «Galilea» cuant che e fo silurade e si jere salvât juste par miracul (Pieri Menis, Sul agâr);
scjampâ vie su cjars e tratôrs par salvâsi la vite (Angelo Floramo, Cuintristorie dal Nûfcent 1990-2000)
Sin. scjampâ , scapolâle , svuincâle -
v.pron.intr.
(ancje iperb.)
rivâ a evitâ alc di fastidiôs, ma no propit pericolôs:
cui che al comande nol po mai salvâsi des critichis par svelt e galantom che al sedi (Josef Marchet, Chê di cope cun trê rês!)
Sin. parâsi , scjampâ , scapolâle , svuincâle -
v.pron.intr.
di alc, restâ intat, scjampâ de distruzion:
boscs e prâts a jerin nets e in ordin, tignûts cont ancje parcè che a jerin i ultins ratais di campagne rude, dut ce che si jere salvât da lis sgrifis di un "riordenament fondiari" (Franca Mainardis, Il sium di Lissandri)
Sin. restâ , vanzâ , scjampâ , scapolâle , svuincâle - v.pron.intr., v.pron.tr. scjampâ de danazion eterne, rivâ ae salvece de anime: Teodôr al à volût che e fossin indicâts tal compart de resurezion i stes animâi che a jerin di ca, siet, e doi jeurs. Chest al vûl dî che il messaç al è viert a ducj e che ducj a puedin salvâsi (Sandri Carrozzo, "Tata, ma chês a son stelis"); al sperave di salvâsi la anime (Enrico Martina, Ricuarts e inlusions)
- v.pron.intr. [TS] sport tai capionâts a plui nivei di categorie, rivâ a no colâ te categorie plui basse ae fin de stagjon: sodisfazion pal ex blanc e neri Nicola, che cu la vitorie vuadagnade ai Riçs al da ancjemò ae sô scuadre e ai siei tifôs une pocje di sperance di rivâ a salvâsi (Marc Stolf, Udinese - Salernitana 0-1)
- salvâsi la piel loc.v.
- a vuelin trê robis par salvâsi: bon voli, buine gjambe e puarte vierte
- cui che si po salvâ che si salvi
- par salvâsi a vuelin trê robis: bon voli, buine gjambe e puarte vierte