Dizionari de Lenghe Furlane

vanzâ  van|zâ  [FO]

1. v.intr. no jessi ancjemò stât doprât, mangjât, bevût, vendût, finît e v.i., jessi ancjemò, rispiet a alc che nol è plui o che nol è plui disponibil:  vie pe gnot, salacor cualchidun al vignive abàs in cjamese, discolç, a passisi di polente sute se ‘ndi vanzave sul taulîr (Dino Virgili, La aghe da pît la cleve); al voleve dome imagjinâ chel altri toc de sô vite che a i vanzave di vivi, e lu voleve imagjinâ seren (Franca Mainardis, Il sium di Lissandri)
   Sin. restâ
   Var. avanzâ
2. v.tr. rivâ a vê tant che vuadagn o tant che sparagn:  cumò a jerin plui i dîs che al vanzave alc, di chei che par mangjâ al scugnive meti man a chel pôc che i restave (Carlo Sgorlon, Prime di sere); al veve mancul fit di paiâ e al rivave simpri a vanzâ cualchi franc tal tacuin; e ju meteve in bande tant che relicuiis (Riedo Pup, I furlans e i bêçs)
   Sin. vuadagnâ , cjapâ
   
   1. vê tant che risultât o consecuence:  "Eco ce che si vanze a impaçâsi cui predis!" (Luigi Gortani, Meni Fari)
      Sin. cjapâ , vuadagnâ , otignî , gjavâ
3. v.tr. (ancje ass.) vê un credit:  e veve sintût dispès che i ostîrs a vanzavin di lui, ma mai che Kikuyu al ves di vê alc di cualchidun (Mario De Apollonia, Il timp par ledrôs)
   Sin. vê di vê
4. v.tr. (ancje fig.) lâ devant o parsore o prime o miôr rispiet a alc altri:  un cjant che al vanzave ogni altre vôs (Maria Forte, La tiere di Lansing); mi à vanzât di un cuart di ore tal rivâ a cjase (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. passâ , superâ , prevanzâ

Polirematichis e espressions idiomatichis

• vanzâle v.pron.
• vanzâlis v.pron.

Proverbis:

• a fâi ben al mus, si vanze pêts e scalçs
• a fâi ben al mus, si vanze scalçs
• a fâi la barbe al mus, si vanze pêts e scalçs
• a impaçâsi cun mus, si vanze pêts e scalçs
• a sfreolâ mulets, si vanze scalçs e pêts
• bisugne fâ la barbe prin par se e po, se al vanze timp, ancje a chei altris
• cui che i fâs ben al mus al vanze lis balotis
• cui che si cjale se stes no i vanze timp di cjalâ chei altris
• dai semule al mus, tu vanzis scalçs
• dut ce che al è di plui al vanze
• fin che no 'nd vanze, no 'nd è abastance
• il puar om nol à mai ben: se i mûr la vacje i vanze il fen, se la vacje e campe il fen i mancje
• la robe e à di vanzâ par sei avonde
• no je mai vanzade cjar in becjarie che par lire o prionte no si dedi vie
• panze sclopâ ma robe no vanzâ
• par che ind sedi avonde, bisugne che ind vanzi
• se al à di vanzâ che e vanzi la jote
• se tu ti cjalis te, no ti vanze timp di cjalâmi me