superâ
su|pe|râ
[AF]
-
v.tr.
di cdn. o di alc che al è daûr a movisi, passâ devant e lassâ indaûr cdn. altri o alc altri che si môf o ancje alc che al è fer:
cheste musse, ancje se buine e cuiete, no veve propit voie di cori, tant al è vêr che l'an prime al travuart la veve superade ancje un mussut, cussì piçul che al podeve passâi sot la panze (Sante Ninis, La corse dai mus);
superade la scluse di Pinçan (altri pont gjieografic strategjic, storic, militâr e comerciâl), il grant flum si slargje (Mario Martinis, Il Tiliment)
Sin. passâ
, sorpassâ
-
v.tr.
rivâ a lassâ indaûr un ostacul, une dificoltât, une cundizion e v.i.:
cui che nol si avilìs, al supera ducj i mâi (Ugo Pellis, Catinuta);
lis dificoltâts che o viodevin e che ogni dì ancjemò o scugnìn superâ (Josef Marchet, Un element fondamentâl dal moviment autonomistic)
-
(fig.)
rivâ a acetâ une esperience dure:
al è stât dificil superâ il traume, capî che no varès mai plui podût cjaminâ e che e varès vût di convivi par simpri cun dutis lis dificoltâts leadis a la tetraplegjie (Gloria Angeli, Pamela Pezzutto)
-
v.tr.
rivâ parsore di un ciert nivel di intensitât, grandece, cuantitât e v.i.:
nissune femine o fantate di Udin e podeve maridâsi fûr de citât se jere parone di une dote che ves superât mil liris, o sei 620 francs aquileiês (Redazion SFF, Il Strolic furlan pal 1939);
il cjalt al superave i 30° (Tarcisio Venuti, Cjans e cristians)
Sin. lâ parsore
, passâ
, sorpassâ
, stramontâ
, strapassâ
-
v.tr.
(fig.)
jessi miôr o plui numerôs o plui fuart o sim. di cdn. o di alc altri:
une musicone, in veretât di Diu! … Jo o ai sintude la bande da Udin, chê di Culugne, di Tresesin e di Mussêt; ma cheste di Vignesie lis supere dutis (Arturo Feruglio, Viaç a Vignesie);
la produzion leterarie dal daspovuere e supere par cuantitât e ancje par numar di autôrs chê vude des origjinis fin ae fin da la ultime vuere (Lelo Cjanton, Cuintri de retoriche)
Sin. passâ
, bati
, vinci
, stramontâ
, strapassâ
, sorpassâ
Proverbis:
- cul timp dut si po superâ