lâ parsore
[CO]
-
loc.v.
in sens leterâl, lâ su di alc o lâ intune posizion adalt:
[scjalant in mont] al cjate un tet e invezit di meti il claut sot de prominence, al decît di lâi parsore e di plantâlu plui insù (Cristina Noacco, Faliscjis);
colâ il brût e lassâlu polsâ, meti tal frigorifar, di mût che il gras al ledi parsore e si indurissi e si puedi gjavâlu (Sandri Carrozzo, Pane frattau)
Sin. lâ sù
, vignî sù
, vignî parsore
-
loc.v.
(ancje fig.)
jessi superiôr, miôr, plui fuart, plui impuartant e v.i.:
il merit di vê intalianade la regjon, pai nestris storics, al va parsore di ducj i malans causâts (Josef Marchet, Lis predicjis dal muini)
Sin. avanzâ
, passâ
, superâ
, vinci
-
loc.v.
sedi di cdn. che di alc, jessi ecessîf, esagjerâ par cuantitât, misure, intensitât, forme, maniere di fâ, di esprimisi e v.i.:
"La stampe e je la supurazion dal mâl de societât e des ambizions dai politics…" "No stin lâ parsore, vie po! A 'nd è pûr di chê che e si strussie par educâ… che e scombat pe veretât…" (Pieri Piçul, Vieri e gnûf)
-
ancje in manieris di dî proverbiâls o enfatichis:
nancje jo di chê etât no sarai stât un agnul, che cualchi cjame di vuadulis mi è capitât di puartâle a cjase ancje a mi. Ma, corponons, il masse al va parsore! (Josef Marchet, Lis predicjis dal muini)
-
loc.v.
di contignût, lâ fûr di un recipient, o ancje dal recipient, vê il contignût che al ven fûr:
la rimina a bol e a va parsora se a na si scjassa belbelu la cjadena (Novella Cantarutti, Un recam inculurît)
Sin. lâ fûr
-
ancje di une aghe naturâl, di un canâl, di un lât e v.i., lâ fûr dal so bacin:
il flum al jere lât parsore, ancje se i parepets a vevin resistût (Carlo Sgorlon, Ombris tal infinît)
Components:
-
lâ
v.intr., s.m.sing.
-
parsore
prep., av., adi.inv., s.m.sing.
Proverbis:
- ce che al è di masse al va parsore
- ce che al va parsore no si met in cont
- la misure co e je colme e va parsore