Dizionari de Lenghe Furlane

spiegâ  spie|gâ  [FO]

1. v.tr. cirî di fâ capî ben, descrivint in detai:  il plevan lu à fat clamâ in canoniche e cun dute caritât i à spiegât par ben a ce che al leve incuintri e lis consecuencis di un matrimoni di chê fate (Pieri Somede dai Marcs, Nardon e Vigjute di Nani); la storie, come che e ven spiegade tes scuelis, e à plui parintât cu la «educazion nazionâl» che no cu la veretât (Josef Marchet, Cuintristorie dal Friûl fin sot la Italie); lis peraulis a jerin claris, nuie ce dî, ma a jê, i jentravin, tal cjâf, come jespis svariadis e no i spiegavin nuie di ce che e varès volût savê (Maria Forte, La tiere di Lansing)
   Sin. sclarî , esplicâ
   Cfr. contâ , dî , esponi , pandi , insegnâ¹
2. v.tr. cjatâ la reson, la cause, il significât e v.i.:  i specialiscj no rivarin mai a spiegâ lis causis des straniis alucinazions dal sfortunât colonel (Checo Tam, Donnerwetter); superade la dificoltât concetuâl di spiegâ l'efiet fotoeletric esterni, il passaç ae spiegazion dal efiet fotoeletric interni e je stade dome une cuistion di timp (Lorenzo Marcolini, Lis celis organichis nanostruturadis)
   Sin. decifrâ , interpretâ , palesâ , esplicâ , sclarî
   
   1. jessi la reson, la cause e v.i.:  Eliseo al jere stât in galere, si ben che nol jere un delincuent, e la sô persone e il so passât a podevin spiegâ cualsisei decision, par misteriose che e fos (Carlo Sgorlon, Prime di sere)
3. v.tr. [BF] vierzi alc che al jere pleât o sierât, viôt displeâ :  e tire fûr une letare, le spieghe, i dâ une lete (Pieri Somede dai Marcs, Un pugn di moscjis)

Proverbis:

• il timp al spieghe dut