insegnâ1
in|se|gnâ
[FO]
-
v.tr.
fâ imparâ in teorie o in pratiche une nozion, une dissipline, une art, un mistîr, un mût di compuartâsi e v.i.:
insegnâ matematiche;
domandâ che il furlan al vegni insegnât tes scuelis dal oblic, par oblic: come une regolâr materie di studi (Riedo Pup, Al jere une volte il furlan);
il pari di Lukas al pescjave cuntun fîl di nailon e ur insegnave ai fîs a nadâ, e al zuiave di balon cun lôr (Agnul di Spere, Int no consumade);
no si bêf de butilie. No ti àno insegnât la buine creance? (Fabian Ros, Il lôf);
o vuei insegnâ ae Nene la fuiace cui miluçs (Maria Forte, La tiere di Lansing)
Sin. imparâ
, inscuelâ
, segnâ
-
ancje cun subiet no animât:
no soi furbe, savêso, ma prudente sì. La vite mal à insegnât (Carlo Sgorlon, Prime di sere)
-
v.tr.
(ancje ass.)
fâ l'insegnant, il mestri, il professôr:
la gnove mestrute che jere vignude a insegnâ tal paîs e jere restade smaraveade a viodi une cjase dal gjenar (Lucio Perès, Il mâl dal mûr)
-
v.tr.
dâ istruzions, spec. mostrant alc che si viôt:
[un forest] al domandà al Cosac là che e jere la cjase di un ciert Baldo che al veve di sorenon Cuartut. L'ostîr, par insegnâi, al saltà fûr su la strade (Roberto Ongaro, Cretevierte)
Sin. descrivi
, dismostrâ
, mostrâ
, pandi
Proverbis:
- a cui che nol sa, chei altris i insegnin
- cui che i insegne al mus a butâ jù il sac e a mangjâ la farine si ridûs a dovê lâ a mulin bessôl
- dispès il diaul al insegne a fâlis ma no a platâlis
- il diaul al insegne a fâ lis pignatis ma no i tapons
- l'ûf nol à di insegnâi a la gjaline
- la necessitât e insegne a fevelâ
- la necessitât e insegne a lavorâ
- no si insegnii a fâ l'ûf a la gjaline
- no stâ insegnâi a fâ l'ûf a la gjaline
- se no tu vûs insegnâ ben, fâs di mancul di insegnâ mâl