secondâ
se|con|dâ
[CO]
-
v.tr.
compuartâsi in maniere di complasê cdn., acetâ ce che cdn. al vûl o al domande:
"[...] mi tocje fâ fente di secondâlu se o vuei che al mi slungji cualchi cjarte di dîs" (Vittorio Vittorello, A ogni cost);
"Va sù tu intant, jo o vegnarai dopo" le conseà amabil e jê e decidè di secondâlu (Jolanda Mazzon, Cungjò Friûl)
Var. assecondâ
, seondâ
Cfr. judâ
, sostignî
, poiâ
, complasê
-
v.tr.
judâ cdn. tal fâ alc o alc tal jessi fat, tal sucedi, tal lâ indenant:
varès vût ce fâ a puartâsi fûr di chel infiar di ondis e di vint, se apunt il vint nol ves secondât il cjamin de la barcja (Federigo Comelli, Il me paîs)
Sin. judâ
, favorî
-
v.tr.
reagjî, rispuindi, dâ sodisfazion e v.i. a une domande, a une pratiche, a une trafile:
se il caporâl nol fos in câs di podê secondâ la sô istança, vegnerà inoltrada da grât in grât sin al cjapitani (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Proverbis:
- la stagjon e va ben avonde fin che il timp le seconde