Dizionari de Lenghe Furlane

pagjine  /pà-/  pa|gji|ne  [FO]

1. s.f. ognidune des dôs bandis di un sfuei:  il test al è sedi par furlan che par talian, cu lis dôs versions suntune stesse pagjine (Linda Picco, Ricercje su la condizion sociolenghistiche dal furlan); il fatôr al scugnì cjapà sù un penelapis blu e tirâ une crôs sun dutis lis pagjinis dal libret [dai debits] di Agnul (Riedo Pup, I furlans e i frutins)
   Sin. façade
   Cfr. bande
2. s.f. dut un sfuei, componût di dôs façadis:  Nando […] al volte une altre pagjine e al lei (Pieri Somede dai Marcs, Mame…); il libri al à une pagjine sbregade
   Sin. sfuei¹ , cjarte
3. s.f. test e contignût che al è scrit tune bande di sfuei o tun sfuei:  ur ai ancje dite dal gno diari. Sì, al è di trê agns che o ten un diari. Al è di pôc che ur ai letis des pagjinis (Gianni Gregoricchio, Trê feminis); in chestis pagjinis o cirarai di meti in evidence la impuartance e la articolazion che la "Cjarte di Chivasso" i da ae cuistion de libertât di lenghe (Marc Stolf, La libertât di lenghe tant che dirit fondamentâl. Atualitât e complessitât dai contignûts de "Cjarte di Chivasso")
4. s.f. sezion di un gjornâl che e trate di un argoment specific:  Bepi Agostinis […] al à metût dongje i tocs publicâts su la «Pagjine furlane» da «la Vite Catoliche» te rubriche «Storie de art furlane in lenghe» (Erika Adami, O ai scrit pal gno popul); il gjornâl al jere viert su la pagjine dai muarts (Raffaele Serafini, Spieli cence bramis)
5. s.f. (fig.) fat o fase de storie o de vite o di alc che in sens figurât si puedi intindi tant che une narazion:  ogni dì che al passave puartantsi vie cu la gnot i colôrs plui biei de nature i pareve che si sieràs une pagjine de sô vite (Pieri Somede dai Marcs, Co une vôs e clame); al è mâl a lassâ in blanc une pagjine de vite: e je straçade (Dino Virgili, Ombrenis sul liston); cu la vignude dai Langobarts, e scomence une altre pagjine di storie dal Friûl (Josef Marchet, Cuintristorie dal Friûl fin sot la Italie)
   Sin. fat¹ , moment
6. s.f. [TS] inform. ogni aree fissade di memorie dal ordenadôr
   
   1. singule sezion di un sît web:  il sît dal Consei regjonâl al sarà inzornât e cierts contignûts (mape dal sît, prime pagjine e pagjine dal President) a saran disponibii in modalitât plurilengâl (Marc Stolf, Masse planc e cence plans. L'ûs public de lenghe furlane)
      Sin. pagjine web
7. s.f. [TS] bot. ognidun dai viers di une fuee

Polirematichis e espressions idiomatichis

• voltâ pagjine loc.v.