gjornâl
gjor|nâl
[FO]
-
s.m.
publicazion cuotidiane:
a 'nd è ancjemò incà e inlà, tai paîs, cualchi vecjo o cualchi anzian che a cjapin in man il gjornâl ogni dì (Riedo Pup, La civiltât dal fum);
- Cjaliju ca! - mi bute il gjornâl di vuê sot i voi - e no stâ a vignîmi a dî che no tu vevis mai sintût fevelâ di lôr (Sandri Di Suald, Ah! la provincie);
il gjornâl locâl, che su cheste robe al leve a gnocis, al publicave ogni dì letaris e articui che a plovevin di ogni bande (Fabian Ros, L'om che al pierdeve pinsîrs pe strade)
Sin. cuotidian
, gazete
, sfuei1
Var. zornâl
-
s.m.
publicazion periodiche:
tal scritori di so pari al viodè un gjornâl di peraulis incrosadis viert su la taule, e al jere un lapis poiât su la pagjine di un zûc lassât a mieç (Agnul di Spere, I prâts des Savodagnis);
la SSTeF e à ideât e publicât il gjornâl di divulgazion sientifiche par furlan Cîl & Tiere (Donato Toffoli, Relazion dal Grup di lavôr "Planificazion linguistiche")
Sin. periodic
, rassegne
, sfuei1
, riviste
-
s.m.
[TS]
reson.
libri dulà che si segnin ogni dì i moviments de marcjanzie
Sin. regjistri
, diari
Proverbis:
- i gjornâi a son la autostrade des bausiis