Dizionari de Lenghe Furlane

rassegne  /-è-/  ra|sse|gne  [AF]

1. s.f. esam atent, soredut cjapant in considerazion plui elements di un complès:  fasint une rassegne dai documents a disposizion dai redatôrs dal DESF, si rindisi cont cence dificoltât, però, che chestis edizions a jerin une vore limitadis, par numar e consistence (Federico Vicario, Documents de Ete di Mieç pal studi dal furlan antîc)
   Sin. esam , scandaiade , scrutini , stazade , tamesade
   
   1. [TS] milit. visite e valutazion fate di un uficiâl ae trupe:  in chei stes dîs si cjatavin intal Padoan par une rassegne aes trupis dal III e IV Cuarp di armade impegnadis intes grandis manovris militârs (Angelo Floramo, Cuintristorie dal Nûfcent 1900-1910)
2. s.f. scrit o volum componût di plui scrits di descrizion e coment su autôrs e oparis:  Lucian Verone, te sô «Rassegne di leterature furlane», [al scrîf] che i «Turcs tal Friûl» e je une «opare di grande sugjestion […]» (Oscar Puntel, I Turcs tal teatri); passe 250 pagjinis di ricercjis, di rassegnis e di recensions (Franc Fari, Se la sience e cjacare par furlan)
   Sin. critiche , recension
3. s.f. manifestazion culturâl che e propon al public une selezion di plui autôrs o oparis:  i Concierts di Sant Martin in Cjargne […] a ufrissin ae comunitât une rassegne musicâl tra Atom e Invier dedicade ae musiche classiche (Alessio Screm, I Concierts di Sant Martin in Cjargne); la fieste e tornarà a tacâ domenie 26 a lis 14, cu la rassegne di bal "Il folclôr in place" (Valentina Urli, La tô place: cjanton di mont)
   Cfr. esposizion , mostre¹
   
   1. manifestazion comerciâl dedicade a une cierte categorie di prodots:  la rassegne regjonâl de agriculture
      Sin. fiere² , marcjât¹
4. s.f. sucession di plui elements:  une rassegne di lezions estraniis al intindiment formatîf des competencis che nus coventin (Adrian Cescje, Memoriis di politiche linguistiche)
   Sin. rie , schirie , file¹ , secuence , sucession

Polirematichis e espressions idiomatichis

• passâ in rassegne loc.v.