file1
fi|le
[FO]
-
s.f.
complès di elements, un daûr di chel altri o un in bande di chel altri:
al jere l'ultin di une file lungjonone (Stiefin Morat, Musets);
i imprescj doprâts, ducj in file, ordenâts ta la arie (Alan Brusini, Come tai romançs);
lis cjarandis o lis filis dai morârs a segnavin lis proprietâts (Carlo Sgorlon, Ombris tal infinît);
suntun cjantonâl siet o vot libris metûts in file (Pieri Menis, A scuele);
al jentrà in glesie e si metè intun banc des ultimis filis (Checo Tam, Gjoldiments forescj)
Sin. code
, filze
, linie
, sfilze
, rie
, serie
, schirie
-
s.f.
(fig.)
spec. tal pl., grup di personis organizât o caraterizât dal fat di vê un fin, une vision, une sensibilitât e v.i.:
cui che al si met intes filis di un partît al è simpri, voie o no, un om o pôc o trop ambiziôs (Josef Marchet, Dissipline)
-
s.f.
cuantitât di personis che si dan la volte o di robis che a vegnin ditis, fatis o che a sucedin une dopo di chê altre:
dopo une file di patriarcjis che no varessin tignût dûr trop a lunc, a 'ndi capitarin doi di chei dai comedons di fier: il francês Bertrant di Saint-Geniès e il todesc Marquart di Randeck (Josef Marchet, Cuintristorie dal Friûl fin sot la Italie);
une file di zornadis che o si proponìn une miôr di chê altre, cul lavôr fat ben, cul studi, cul ripôs (Fabio Ciardi, Gabriella Fallacara, Peraule di vite: il dolôr che al da la vite)
Sin. cjadene
, filze
, rosari
, schirie
, serie
, sfilze
, sucession
, linie
, rie
, filaine
, secuence
, teorie
-
cuantitât di robis de stesse sorte:
tratôrs e motôrs che a valin desenis di milions ancje chei; po une stale di vacjis: e ancje li une biele file di milions di valôr (Riedo Pup, Jessi miliardaris e no savêlu)
-
s.f.
cjatade di plui personis che si devin adun dopo cene, dispès intune stale, par fâ lavôrs, contâ storiis e v.i. in compagnie:
a jê ducj i volevin ben e tant vulintîr la int dal borc e vignive in file di Invier te lôr stale o te cusine nere nere ator dal fogolâr, e prime di metisi a gucjâ o a filâ la lane, jê e tignive sù rosari (Pieri Somede dai Marcs, A jerin lagrimis);
di Invier al fâs il zîr di dutis lis filis a contâ, e ogni an a 'ndi à di gnovis (Dino Virgili, La aghe da pît la cleve);
cjantava li vilotis che gji plasevin tant, a lava a li sagris e ta filis e ai perdons tai santuaris (Ugo Pellis, Catinuta)
Sin. filò
-
s.f.
[FÛ]
viôt filade
Polirematichis e espressions idiomatichis