serie
/sè-/
se|ri|e
[FO]
-
s.f.
sucession ordenade di robis, personis, fats o argoments in relazion tra di lôr:
une partide di scacs e je fate di une serie di mossis consecutivis (Nilde Teresa Negro, Zuìn di scacs);
il disberdeelenghe e je une frase o une serie di peraulis che nol è facil dî sù svelts par vie des aliterazions (Zuan Nazzi Matalon, Ottorino Burelli, Sacheburache)
Sin. cjadene
, secuence
, sfilze
, sucession
, rie
-
cuantitât di robis cun carateristichis che si somein o che a puedin jessi consideradis insiemi, ancje se no son ordenadis o leadis di une relazion direte:
al jere daûr a scomençâ une lungje tournèe tal forest, e chest al creave une serie dificoltât ai lôr progjets matrimoniâi (Carlo Sgorlon, Il dolfin)
Sin. cuantitât
, rie
, sfilze
-
s.f.
complès di monedis, biliets di bancje, o di une lotarie o di assegns di un unic grup:
la compagnie dai siet Agnui e à podût vê, non sai cemût, il dissen de future monede, e a 'nd stampin une serie, e ator ator, là che al veve di jessi scrit «Kaiser und König», ti sgnachin tant di «Regno di Buie» (Pieri Menis, Lis leiendis di Buie)
-
s.f.
filat.
complès des figuris di boi di une stesse emission
-
s.f.
tipogr.
complès dai caratars che si distinguin pe pendence, normâl e corsîf, pal ton, grues e clâr, pe largjece, stret, larc e normâl, pe forme alfabetiche, maiuscul e minuscul
-
s.f.
complès dai numars di une riviste o di publicazions che a àn carateristichis in comun:
Lamuela al scrivè […] un dizionariut de terminologjie chimiche, Chimiche, […]. Agnul Pitane al produsè Algjebre, Analisi Matematiche e Gjeometrie, che al fo l'ultin de serie. Donât Toful Gjeografie - Toponomastiche foreste (Adrian Cescje, Memoriis di politiche linguistiche)
Sin. colezion1
, golaine
, racuelte
-
s.f.
produzion televisive o radiofoniche fate di plui episodis:
la serie tv Felici ma Furlans, rivade ae seconde stagjon, […] e jere rivade, ancjemò in Lui, a 220 mil visualizazions in rêt (Fabian Ros, Gnovis cine)
-
complès di episodis di une produzion televisive di un singule stagjon:
te seconde serie [di Spazio 1999], parcè gjavâ la dramatiche sigle rock di Barry Gray par meti chê porcarie dai Oliver Onions? (Checo Tam, Spazio 1999)
Sin. stagjon
-
s.f.
[TS]
sport
ognidune des categoriis li che i atletis o lis scuadris a son dividûts daûr de lôr prestance:
o ai tacât cui zovins e te stagjon 61-62 o ai fat lis ultimis 4 partidis in serie A (Christian Romanin, Dino Zoff: «O vin lidrîs buinis, o vin di tignîlis di cont»)
-
s.f.
[TS]
industr.
complès di prodots o parts di prodots compagns di un sôl model:
la "Superautomatica" […] e jere la ultime gjenerazion di une serie za scomençade cualchi an prime cu la Rex 250 (Angelo Floramo, Cuintristorie dal Nûfcent 1950-1960)