sucession
/-òn/
su|ce|ssi|on
[AF]
-
s.f.
il sotentrâ a un altri intun puest, intune funzion, intun ufici, inte proprietât di robe, di un patrimoni, e v.i., e il so risultât:
i principâts todescs a tindin simpri di plui a costituîsi in forme statâl, dotantsi di regulis di sucession, di une cancelarie, di un consei (Fabian Ros, La invenzion dal stât)
-
passaç di proprietât par vie de muart dal paron di prime:
cuant che tu varâs finît di fâ i tiei lavôrs, viôt se tu puedis cjatâ lis cjartis da la sucession dal puar nono (Franca Mainardis, Il sium di Lissandri)
-
(fig.)
cui che al cjaparà une proprietât dopo de muart dal paron, duncje prin di dut il fi:
chel puar siôr Marcantoni / l'è in grant disperazion / parcè che in siet vot agn di matrimoni / la muîr no i à dade sucession (Pieri Çorut, Il Strolic furlan par l'an 1833)
Sin. erêt
-
s.f.
il dâsi la volte, il vignî a jessi, a mudâ e a finî dal timp e dai acjadiments:
gjavant il timp o, miôr, la sucession dal timp, tu gjavis la novitât, la curiositât, la sperance tun gambiament, tu ridusis l’om a une machigne (Antoni Beline, La fabriche dai predis)
Sin. rosari
, schirie
, serie
, sfilze
, teorie
-
schirie di fats, robis, elements, personis daûr di un ordin cronologjic, logjic, spaziâl o di altre sorte:
un dizionari enciclopedic che, pal principi di identitât jenfri peraulis e cjossis, nol fâs base su la sucession alfabetiche ma su un ordenament categoriâl de realtât (Mario Turello, Il brevet);
une tabele cu la sucession di ducj i vescui di Aquilee (Laurin Zuan Nardin, Recension di AA.VV. Comunitas civitatis Aquileiae. Aquilee inte storie, Aquilee 2008)
Sin. rosari
, schirie
, serie