rosari
/-à-/
ro|sa|ri
[FO]
-
s.m.
preiere pe Madone, componude di cuindis desenis di avemariis intierçadis cun parinestris e introdusudis ognidune di un dai cuindis misteris:
il muini de glesie al ten sù il rosari, e une dozene di personis, fra grancj e piçui, a vegnin a preâ (Josef Marchet, Lis predicjis dal muini);
dal fogolâr di Neto no si saltave fûr par lâ in nissun sît, dopo cene, se prin no si diseve il rosari, che lu tignive sù il von (Meni Ucel, Rosaris)
Cfr. part1
, stanzie
, istance2
-
recite, ritualitât e moment di chê preiere:
zeit a Rosari, paisans, zeit a preâ il Signour, che li cjampanis a vi clamin coma dutis li seris (Pier Paolo Pasolini, I Turcs tal Friûl);
a mancjavin dôs oris pal rosari dal mês di Mai e pre Pitin al veve une ocasion uniche par fâsi stimâ de int (Antoni Beline, Pre Pitin)
-
s.m.
sorte di golaine cun grans o sim. che a judin a tignî il cont di ogni singule preiere dal rosari:
e jere buine di stâ ancje une ore sentade a preâ […] nome intente a disglagnâ i grans dal rosari che e tignive te sachete dal grumâl (Alan Brusini, Par stradis lungjis);
tra i dêts incrosâts il rosari di arint, chel de sô prime Comunion (Pieri Somede dai Marcs, Une lûs celestine…)
Sin. corone
, corone dal rosari
Cfr. gran
-
s.m.
serie, secuence di elements o fats simii o compagns, spec. cun sens negatîf:
e culì al scomence un rosari di manovris di ogni fate, par no lassâsi scjampâ di man chel careghin (Josef Marchet, Cuintristorie dal Friûl fin sot la Italie);
e à cjatât il cantin che il gno cjan i à folpeât il lidric, par butâ fûr un rosari di malis peraulis cuintri di me (Maria Forte, Varc di confin);
passâ de lûs al scûr tun rosari di galariis (Maria Forte, La tiere di Lansing)
Sin. schirie
, serie
, sfilze
, rie