Dizionari de Lenghe Furlane

part¹  part  [FO]

1. s.f. element di une unitât plui grande:  ogni part dal cuarp e jere tumiade e indolentrade (Roberto Ongaro, Il muc)
   Sin. bocon , toc¹
2. s.f. part che e corispuint a une cierte cuantitât di un intîr:  i Langobarts di solit, cu la leç romane che a vevin lôr, a cjolevin la tierce part dai terens par lôr; chês altris parts lis lassavin a la int (Francesc Placerean, La nestre storie); inte ostarie e jentrave e e jesseve tante int e, stant che al jere di sabide, la plui part a jerin zovins (Franca Mainardis, Il sium di Lissandri); dopo cenât e dite une part di rosari, il nono al cjapave sù cu lis moletis une bore di fûc, al impiave il so «virgjinie» e al pipave di gust (Pieri Menis, Il «trono» dal von)
   Sin. cuote , frazion , sezion , porzion
   
   1. sezion di un libri, di une opare, di un spetacul e v.i.:  [sene de comedie] ai timps di vuê, in un paîs di campagne: te prime part su la plaçute denant la puarte de ostarie «A la Oselade»; te seconde part dentri da la ostarie (Pieri Somede dai Marcs, A la oselade)
3. s.f. cuantitât di robe di mangjâ, ancje no in relazion a un intîr:  un mangjâ calcolât al centesim, mo une partute di formadi zâl, mo une fetute sutile di pan blanc (Ivano Urli, Storie di Min)
   Sin. razion , porzion
4. s.f. puest, tant che element che al compon un teritori plui grant o ancje tant in relazion a dut il mont, l'univiers e v.i.:  o jeri dome un puntinut insignificant di chel flum di int che si jere inviât di ogni part di mont par rivâ fin chi e di chi al jere tornât a inviâsi viers di ogni part di mont (Antoni Beline, Sant Jacum, là che al finìs il mont)
   Sin. lûc , puest¹ , bande , pont
5. s.f. [TS] agr. estension di prât di un privât:  cuant che a tacavin a seâ li parts grandi dulà che a era tant fen, o a tirâ dongja frutam e a coventava zent (Novella Cantarutti, La agna Mariana)
   
   1. estension di tiere coletive assegnade par un an a une famee, viôt suart
6. s.f. complès des batudis e des azions di un personaç che un atôr al interprete intune opare teatrâl, cinematografiche o di prose o ancje intun componiment musicâl:  Catherine Schell, e veve za vût une piçule part intun episodi de prime serie, interpretant une femine robot che e faseve une brute fin (Checo Tam, Spazio 1999); cjantâ il Passio cun lui al jere un spetacul. Al faseve la part de Sinagoghe, che e je la plui curte ma ancje la plui grivie (Antoni Beline, Pre Pitin)
   
   1. (fig.) compuartament simulât o sfuarçât o tignût plui par dovê che par convinzion:  o fasevi la part dal inamorât, mi puartavi come che si use, ma cence anime e afiet (Alan Brusini, Gian Paolo Linda, I forescj)
   2. (fig.) compuartament, cundizion, aspiet e v.i. che a àn un efiet, spec. negatîf, su la considerazion publiche, sul rispiet, sul onôr e v.i.:  no i lave chê di fâ la part dal puar, ancje se puar al jere pardabon (Carlo Sgorlon, Prime di sere)
   3. (fig.) compuartament, spec. pôc coret e pôc onest, che i fâs dam a cdn.:  o scuen ancje dî che la int di Gargagnà, cun dutis lis sôs pecjis, no mi à mai fate une part compagne (Josef Marchet, Lis predicjis dal muini); [fevelant di un suicidi che i à fat disonôr ae famee] «Un brut câs… nol veve di fânus chê part, Miute.» (Pieri Menis, A uciei cu lis archetis)
      Sin. partate
7. s.f. posizion o azion indreçade a une finalitât o che in ogni câs e à un efiet:  inte fondazion de Radio e à vude la sô part impuartante Democrazie Proletarie dal Friûl (Adrian Cescje, Memoriis di politiche linguistiche); o scomençai a sintî par Jole une tenarece pietose, e a pensâ che aromai tra di nô lis parts si jerin ribaltadis (Carlo Sgorlon, Il dolfin)
   Sin. funzion
8. s.f. ognidun dai grups, des fazions, des ideis, des posizions e v.i. intun confront, concors, conflit e v.i.:  ator ator di ognidune des cuatri ideis, la Cravuazie e viodeve chei agns dâsi dongje la sô int slambrade in cuatri parts (Ivano Urli, Storie di Min)
9. s.f. [TS] dir. cui che al fâs un contrat o un acuardi cualsisei cun cdn. altri:  tratativis jenfri il Ream Unît e la Union Europeane (UE) par sierâ cuntun acuardi la Brexit e par imbastî relazions di sest tra lis dôs parts pal avignî (Marc Stolf, Ream Unît, Johnson al vûl il "No deal" e in Scozie e in Gales e cres la voie di indipendence)
   
   1. intal dirit processuâl, cui che al môf une cause o al è clamât in cause

Polirematichis e espressions idiomatichis

• a la part di Diu loc.inter.
• a part loc.av., loc.adi.inv., loc.prep., loc.coniun.
• a part che loc.coniun.
• a part cun loc.prep.
• a part di loc.prep.
• brute part loc.s.f.
• buine part loc.s.f.
• cjapâ part loc.v.
• cjoli part loc.v.
• dâ part loc.v.
• da part di loc.prep.
• da part di Diu loc.inter.
• de part di loc.prep.
• fâ la part loc.v.
• fâ la part dal leon loc.v.
• fâ la part dal so dovê loc.v.
• fâ la sô part loc.v.
• fâ part loc.v.
• grande part loc.s.f.
• grant part loc.s.f.
• meti a part loc.v.
• passâ part loc.v.
• plui part loc.s.f.
• puartâ la part loc.v.
• tignî la part loc.v.
• vê part loc.v.

Proverbis:

• ancje il voli al vûl la sô part
• cuant che no si sta su la art, si piert la part
• cui che al à art al à part
• cul art e cul ingjan si vîf nome mieç an, cul ingjan e cul art si vîf chê altre part
• la falsetât e à il tabâr curt, par tant che e ciri di taponâsi, i reste simpri cualchi part scuvierte