Dizionari de Lenghe Furlane

fâ part    [AF]

1. loc.v. jessi un element costitutîf di un grup, di un complès, di une categorie e v.i.:  nol leve in glesie come chei altris, nol faseve part de comunitât (Carlo Sgorlon, Prime di sere); Triest e la Istrie no fasin part dal Friûl (Josef Marchet, A chei che no àn ancjemò capît); il mont di pietât, l'impegnâ e il dispegnâ a fasin part de mentalitât e de culture dal triestin: la culture dal «tanto cjapo e tanto magno» (Riedo Pup, Tanto cjapo e tanto magno)
   
   1. lâ insiemi cun altris a di un avigniment, a di une iniziative, a di un spetacul, a di une lezion, a di une cerimonie e v.i.:  no si viôt che a zirâ / intor di ca e di là / int di ogni etât e di ogni condizion, / bramose di fâ part di ste funzion (Pieri Çorut, In muart di Mons. Tomadin)
      Sin. partecipâ , lâ
2. loc.v. [BF] fâ savê:  "Siôr Nardin, i fâs part di une novitât: fra un mês jo e Luisine o sarìn maridâts" (Bruno Paolo Pellarini, Comari 'Sese)
   Sin. dâ part , dî , pandi , passâ part , visâ , informâ , meti a part

Components:

• fâ v.tr., s.m., v.intr.
• part¹ s.f.