cuote
/-ò-/
cuo|te
[FO]
-
s.f.
sume che ogni membri di un grup al à di paiâ o di scuedi:
o paiarai la cuote dal condomini par dut l'an e la justadure dal brusadôr (Agnul di Spere, Chê dì che al neveà a Vignesie);
la partecipazion ai incuintris e je vierte ai socis. La cuote associative pal 2015 e je di 20 euros (Erika Adami, «In file» cui eretics dal Friûl)
-
s.f.
cuantitât di alc, ancje no di bêçs, rispiet a un totâl:
la Regjon e à la facoltât di indicâ pe cuote dal 20% dal orari scolastic dissiplinis di interès regjonâl (Adrian Cescje, Memoriis di politiche linguistiche)
-
[TS]
dir.
frazion di un ben:
comprâ une cuote di societât
-
s.f.
cuantitât in gjenerâl, ancje cence un rapuart cuntune sume totâl plui grande:
stant dome aes statistichis uficiâls, che no misuravin i flus clandestins, la migrazion temporanie furlane e je cressude in maniere costante: se tal 1876 a partivin 25-30 mil emigrants, tal 1890 la cuote e leve a cirche 50-60 mil unitâts (Matteo Ermacora, La emigrazion furlane in Austrie e in Gjermanie)
-
s.f.
permès di cjaçâ par un ciert timp o un ciert numar di bestiis intune risierve di cjace:
lis cuotis de risierve no son individuâls, si pues vendilis o lassâlis a amîs
-
s.f.
tes scomessis, cifre calcolade daûr dal rapuart tra la sume metude sù e chê che si vinçarès
-
tai concors cu lis schedinis, sume che i tocje a ogni vincidôr
-
s.f.
altitudin a pet dal nivel dal mâr:
scuadre dopo scuadre, a vignivin jù di Cime Pâl Grant, di cuote 1700, di Pas Cjaval, di Siele Freikofel, dal Gam Spitz (Pieri Menis, La glesiute dai alpins);
in cheste fasse [la Troposfere] la temperadure, pal solit, e cale par ordin che la cuote e cres (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
sport
ponts di un concorint o di une scuadre intune competizion:
a mieç campionât la prime e je a cuote 24
-
s.f.
gjeom.
in gjeometrie descritive, distance di un pont di un plan orizontâl, che e pues sei positive o negative daûr che il pont al è sore o sot dal plan
-
s.f.
gjeom.
in gjeometrie analitiche, numar che intun sisteme di as cartesians ortogonâi al da la distance di un pont dal plan individuât dai as des assissis e des ordenadis
-
tal metodi des proiezions, distance di un pont dal cuadrât
-
s.f.
tecn.
tal dissen tecnic e architetonic, misure planimetriche e altimetriche di ce che si rapresente
Polirematichis e espressions idiomatichis