sezion
/-òn/
se|zi|on
[FO]
-
s.f.
[TS]
gjeom.
interuzion di un plan cuntune linie rete o di un solit cuntun plan:
sezions orizontâls ogni 1 cm a àn produsût lis 41 curvis di nivel ripuartadis inte Figure 8 (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
-
figure o superficie che e risulte di cheste operazion:
tant plui piçule e je la sezion di un fîl e tant plui grande e je la sô resistence eletriche (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
figure che e met in evidence la struture interne di un ogjet come se al fos taiât cuntun plan:
la figure e fâs viodi un temporâl madûr in sezion, te fase dal disvilup plen (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
[TS]
chir., med.
incision di orghins o di tiessûts
-
s.f.
ognidune des ripartizions che a componin un insiemi, un complès, une struture, une organizazion, une istituzion e v.i.:
l'an dopo, il 1987, lis sezions [dal Premi Friûl] a son adiriture cinc: cjançons, audiovisîfs, contis, poesie, teatri (Max Mauro, Un Friûl difarent: i 90 mhz di Onde Furlane);
o faturai ben e no mâl par fâmi dâ il catalic dai reperts, la sezion des monedis antighis (Gianluca Franco, Il solt di Arlunc)
Sin. dipartiment
, ripartizion
, scompart
, sudivision
-
scol.
intune scuele, dut un cicli di classis che si segne cuntune letare dal alfabet:
noaltris fruts de sezion B de scuele de infanzie di Atimis o vin fat un lavôr impuartant pe nestre salût: un progjet di educazion alimentâr par podê cressi sans e fuarts! (Marisa Comelli, Mangjâ a colôrs)
-
s.f.
articolazion locâl di un partît, di un sindicât, di une socie:
[Pier Paolo Pasolini] al doprà la lenghe furlane su manifescj politics cuant che al jere segretari de sezion dal Pci di Cjasarse, daspò de vuere (Adrian Cescje, Memoriis di politiche linguistiche);
lu vevin finalmentri nomenât President de Sezion Combatents dal paîs, dopo tancj agns che al spietave e al sperave (Meni Ucel, Il discors)
Sin. grop
, ripartizion
, scjap
, sede2
, setôr1
-
s.f.
ognidune des parts che al pues jessi dividût un test, une composizion, une opare artistiche:
intal dizionari tu cjatis une sezion talian - furlan e une sezion furlan - talian (Zorç Cadorin, Presentazion dal DOF piçul);
i Pezzè a levin dacuardi soredut cui Midena e cun Dino Basaldella, e di fat la Partita par piano e je fate di cinc sezions: la Bourrée dedicade a Dino, la Sarabanda a Ermes Midena, il Minuetto a Ines Morandini, la femine di Midena, e la Furlana detta La popona ae sô femine Gigliola (Pierluigi Visintin, Friûl e furlans te Histoire de ma vie di Giacomo Casanova)
Sin. bande
, bocon
, cjapitul
, part1
, setôr1
-
s.f.
[TS]
mus.
intune orchestre, insiemi dai struments dal stes gjenar