scjap  scjap  [CO]

  1. s.m. grup di uciei che a stan insiemi e soredut che a svolin insiemi:  a passavin scjaps di uciei di pas che a partivin a cirî il cjalt (Carlo Sgorlon, Prime di sere); butâ un clap intun scjap di passaris (Pieri Menis, Un muart su la strade)
    Var. cjap
    1. ancje grup di altris animâi che a svolin, ancje se no son uciei:  un biel scjap di âfs al svolà fûr di un bôç, intant che Min al jere a polsâ (Alviero Negro, Lis âfs di Min); un scjap di paveis zalis e blancjis al si trindulave fra i pomârs (Domeni Zannier, La crete che no vai)
  2. s.m. grup ancje di elements che no sedin uciei, tant che personis, bestiis o robis materiâls o imateriâls:  de glesie a tacavin a vignî fûr i prins scjaps di int (Mario De Apollonia, Il timp par ledrôs); al era paron un vecju dut blanc che al rivava ogni an cui sio pastours, i fedârs e un grant scjap di besteam parât adun pa li vili jù pai cjanâi (Novella Cantarutti, La aga di Plan da li steli); un scjap di domandis (Claudio Sangoi, Industrie e politiche a fasin tele)
    1. in particolâr scuadre militâr no tant numerose, soredut di cavalarie o di aviazion:  i Turcs a no stan ducju insiemit, ma che a si dividaran in tancju scjaps, cui ca cui là, par ducju i paîs (Pier Paolo Pasolini, I Turcs tal Friûl)