sede2
/sé-/
se|de
[FO]
-
s.f.
lûc, intindint daûr dal câs ancje une citât o un edifici, li che a son i uficis di une istituzion, organizazion, dite, associazion e v.i., li che si fâs une cierte ativitât, li che alc al è par sô nature o li che alc al jere o al è simpri stât:
denant de sede di Solidarnosc a jerin centenârs di personis (Agnul di Spere, Messe di misdì a Varsavie);
[Grau] vitime de sô stupide fedeltât a cui che in premi lu disvuedave di dut, si lassà puartâ vie ancje la sede patriarcjâl (Josef Marchet, Cuintristorie dal Friûl fin sot la Italie)
-
s.f.
puest o situazions juscj o specifics par alc:
jo o dîs che no je cheste la sede di lâ a fonts di un câs di chest gjenar… (Alviero Negro, Int di masnade);
in ogni sede istituzionâl, in ogni conference, in ogni dibatiment li che al jere il Moviment Friûl si pretindeve che la lenghe furlane e fos ricognossude (Adrian Cescje, Memoriis di politiche linguistiche)
Sin. lûc
, puest1
, situazion
Cfr. moment