Dizionari de Lenghe Furlane

fâ la part    [AF]

1. loc.v. recitâ, tant che atôr, fasint di jessi une cierte persone:  un frut che intune recite al fâs la part di Sindic (Laurin Zuan Nardin, La triple fortune di Palaçûl)
   Sin. tignî sù la part
2. loc.v. compuartâsi di pueste intune cierte maniere, ancje esagjerade o false, par jessi considerât di chei altris:  la strenzevi cuintri di me, la bussavi sul cerneli, su la bocje, i cjareçavi i cjavei. O fasevi la part dal inamorât, mi puartavi come che si use, ma cence anime e afiet (Alan Brusini, Gian Paolo Linda, I forescj)
   
   1. vê un ciert aspiet devant di chei altris, ancje cence volê:  no i lave chê di fâ la part dal puar, ancje se puar al jere pardabon (Carlo Sgorlon, Prime di sere); "Ma ce i parial eh! Vê cûr di tignî sù par tant timp dute cheste armadure, e fâmi fâ la part de stupide a mi in cheste maniere! Jo no pues dâmi pâs!" (Vittorio Vittorello, A ogni cost)
      Sin. fâ la figure
3. loc.v. fâ une funzion:  ce stano a fâ la Madone e Sant Antoni, se no son bogns di fâ la part dal miedi e dal speziâr e de comari, se no us mandin un terno al lot, se no judin la clocje a clucî une covade, e la vacje a puartâ al timp un vidiel? (Josef Marchet, Lis predicjis dal muini); cemût podevie, jê di bessole, fâ la part di cuatri o cinc professôrs? (Carlo Sgorlon, Il dolfin)

Components:

• fâ v.tr., s.m., v.intr.
• part¹ s.f.