Dizionari de Lenghe Furlane

schirie  /schì-/  schi|ri|e  [FO]

1. s.f. grup di armâts, o ancje di mieçs militârs, ordenâts daûr des dibisugnis di une bataie o ancje in sfilade o intun moviment coordenât:  il nono si sierave sul cjast e là ti piturave sui mûrs il Gjenerâl […]. E, daûr di lui, une schirie di garibaldins a pît, une trupe colôr ros che e cjapave dôs parêts (Alan Brusini, Come tai romançs); ogni gnot si sintive a passâ schiriis di soldâts che a lavin o che a tornavin dal front (Roberto Ongaro, Il muc)
   Sin. rie , file¹
2. s.f. grup di personis, o ancje di bestiis o veicui o altris robis, une daûr di chê altre o une dongje di chê altre o ancje cence un ordin ma in grande cuantitât:  une volte i cjars dai gjermaniots, lant insù, si cjalavin in chel spieli: la schirie e passave dilunc, intun nûl di pulvin (Dino Virgili, La aghe da pît la cleve); tornant a cjase si tignive il fros o il fîl di fier cu la schirie dai pes in man, alt (Lucio Perès, A pescje tal suei); une schirie di culinis cuintri dal cîl viert e piche sù cjampanii e cjistiei (Dino Virgili, Friûl di Siarade); al passà un moment di cidin smaraveât su la schirie des feminis pletis su lis pieris bagnadis (Maria Forte, Varc di confin)
   Sin. rie , file¹
3. s.f. complès di robis o elements o fats, spec. se a vegnin un daûr di chel altri, ancje in sens cronologjic o ancje dome se a son in grande cuantitât:  al à let un avîs dal delegât di Udin cuntune schirie di proviodiments cuintri di chei che a fasin disordin e publiche violence (Alviero Negro, Int di masnade); une schirie di informazions che si ingrume di continui te mê ment, si ingruesse simpri plui (Checo Tam, La maree nere); o cjatìn une schirie di nazions e di culturis che a àn crodût di jessi lis miôr tal mont: i grêcs, i romans, i ebreus, i todescs e vie indenant (Franc Fari, Il cjâf dai furlans)
   Sin. rie , file¹ , filaine , secuence

Polirematichis e espressions idiomatichis

• meti in schirie loc.v.