stanzie
/-à-/
stan|zi|e
[FO]
-
s.f.
ognidun dai ambients internis di une costruzion:
dentri de stanzie, su la albe, a rivin lis vôs di chei che a son a seselâ li dongje, te braide (Dino Virgili, Il barcon viert);
ducj i malâts a stavin a spietâ tes lôr stanziis lis curis o la visite dal dopogustât (Amedeo Giacomini, Tal ospedâl);
la radio e veve juste une stanzie dulà che si faseve dut, dal rispuindi al telefon a preparà i notiziaris e fâ lis riunions, e dopo al jere il studi pe direte (Max Mauro, Un Friûl difarent: i 90 mhz di Onde Furlane);
une volte a jerin i conts a stâ ma tai agns '70 [il palaç] al jere vueit; in cualchi stanzie a metevin l'arlevament dai cavalîrs (Checo Tam, Ombris)
Sin. cjamare
Var. stance
-
s.f.
(loc.)
ambient di une cjase o di une malghe li che si ten la robe di mangjâ:
i pastours a erin bel zûts cul trop e il formai al era bel fat cu li peti punudi da banda a disgotâ ta la stansia (Novella Cantarutti, La aga di Plan da li steli)
Sin. camarin
-
s.f.
[TS]
metr.
secuence di plui viers, che ripetude cun struture regolâr e forme un componiment poetic:
stanziis nonantenûf abrace in se / di gnûf coni adobadis a plasê (Toni Broili, Il furlan in Parnâs)
Sin. strofe
-
s.f.
[CO, TS]
lit., religj.
part di rosari formade di un parinestri, dîs avemariis e un glorie:
la sere dai Sants a si diseve in gleisie i matutins e dopo tal cimiteri il rosari di cuatri stanziis e dutis li preieris dai muarts (Popolâr - Istitût di Ricercje Achil Telin, Ai Sants - Cjanâl dal Fier)
Var. instance
, instanzie
Proverbis:
- in dut la temperance e à di vê la sô stanzie