camarin
/-ìn/
ca|ma|rin
[AF]
-
s.m.
ambient de cjase, soredut di une volte, fresc e scûr, cuntun nivel di umiditât costant, par tignî la robe di mangjâ, soredut formadi e robe purcine, e di bevi:
e jere plene la arie di blave, sglonf il toblât di fen, riis di formadielis su lis breis e stangjis di robe purcine tal camarin (Dino Virgili, La division);
[la cusine] e jere furnide di spolert, taule, seglâr cui cjaldîrs pe aghe, vetrine par meti vie chei pôcs creps e padielis dal mangjâ e, tal sot scjale, un fregul di camarin par tignî il companadi (Roman Michelot, La cjase dai contents);
spietait che o vadi tal camarin a cjolius un gotisin di sgnape, e je di chê nostrane (Pieri Somede dai Marcs, Gnot di Nadâl)
Sin. canevin
-
s.m.
piçule stanzie par meti cualsisei robe:
un camarin là che i 'Sefons a tignivin argagns come scjaipulis di uciei e imprescj fûr di ûs (Alan Brusini, Come tai romançs)
Sin. busigatul
-
s.m.
piçul spazi parât o piçule cjamare li che si pues cambiâsi o li che, soredut tes buteghis di vistîts, si pues provâ la robe:
lôr lu cjapin sot braç; e, intun lampin, / vst! lu traspuartin intun camarin. / Li lu viestin da gnûf da cjâf a pîts: (Zaneto Del Puppo, 'Sefut in Paradîs);
al jere un palc di 18 metris, profont 20, e cun 20 camarins pai atôrs principâi (Bepi Agostinis, Storie e cronistorie dal teatri in Friûl)