erêt
e|rêt
[AF]
-
s.m.
cui che daspò de muart di un altri al à dirit di vê i siei avês o une part dai siei avês:
muart il pari, dopo un an di cuistions e di peteçs […] finalmentri i erêts, par dividi cuatri cjamps e un segnâl di cjase mieze dirocade, a son vignûts ca di me par firmâ il contrat di division (Pieri Somede dai Marcs, Par la firme di un contrat);
ur è jentrât talmenti in gracie ai parons di cjase, che no vevin mai vude prole, da lassâlu lui erêt di dute la sô facoltât (Giovanni Gortani, Lant jù pe Tresemane)
-
s.m.
(estens.)
fi o dissendent:
un vieli magagnât e plen di bêçs / rabiôs, disperât par no vê erêts, / butât il mani daur la manarie, / l'ûl sposâ la massarie (Pieri Çorut, Un nuviç);
da cjâf di chê situazion nol jere un individui cualsisei, ma so fi, l'erêt di une famee antighe (Carlo Sgorlon, Il dolfin)
-
s.m.
(fig.)
cui che al va indenant cuntune ativitât, une tradizion, une idee, un stîl e v.i.:
Brendan Perry, grant cjantautôr erêt di Tim Buckley e Nick Drake (Checo Tam, La maree nere);
i "Verdi Arcobaleno" in sumis a forin i erêts plui direts di Democrazie Proletarie dal Friûl (Adrian Cescje, Memoriis di politiche linguistiche)
Cfr. prosecutôr
, continuadôr
, epigon