colezion1
/-òn/
co|le|zi|on
[CO]
-
s.f.
racuelte sistematiche di ogjets de stesse sorte:
il corispondent di un gjornâl, savût che un vieli scalembri al faseve colezion di claps, al ritignì di lâ a sintîlu par tirâ fûr, se al jere il câs, un articul (Stiefin Morat, Claps);
lis sôs oparis [di Guido Tavagnacco] si conservin tes sedis di numerosis Istituzions publichis, te Galarie de Art Moderne di Udin e in altris museus e in colezions privadis in diviers paîs dal mont (Bepi Agostinis, Storie de art in Friûl)
Sin. racuelte
-
s.f.
complès di tocs di mode presentâts insiemi, te stesse stagjon o tal stes moment di un stes produtôr:
i social mi àn dade une biele man e mi son rivâts tancj ordins. Fin pôc timp fa o fasevi une colezion estive e une invernâl (Dree Venier, Il laniç dai fruts)
-
s.f.
(fig., ancje scherç.)
cuantitât o serie di robis, azions, efiets e v.i. de stesse sorte:
Te plaçute, par vie che e je fieste, si son riunidis dutis lis massariis di Vignesie. […] Magris e altis, magris e bassis, grassis e gruessis, grassis e pitininis… Musis frescjis colôr dai miluçs e dai piarsui… Musis supadis come limons… Melonariis piçulis a forme di burele e grandis tant che anguriis… Voglons clârs e serens, vogluts piçui e traditôrs… Ceonis a la paesane e ceutis une vore civilinis… Une poderose colezion di gjambis (Arturo Feruglio, Viaç a Vignesie)