linie
/lì-/
li|ni|e
[FO]
-
s.f.
segn lunc e sutîl:
plui inlà de bande a perpendicul, dividude di une linie divisorie di cualchi tessare nere, la figurazion e va indevant cu la serie di otagons (Giovanni Battauz, Flavio Cossar, Renato Iacumin, I mosaics de basiliche di Aquilee);
cinc personis a spietavin la coriere […] a stavin un dongje di chel altri su la linie blancje dal ôr de strade, fers (Margarite Cogôi, Come bestiis)
Sin. rie
Cfr. striche
, fasse
-
[TS]
gjeom.
ent gjeometric che al à estension dome in lungjece:
se o imagjinìn l'as di rotazion tant che une linie drete che e passe fûr pai pôi Nord e Sud gjeografics e o slungjìn cheste linie fintremai al infinît, lis intersezions di cheste linie cu la volte celeste a definissin chei che si clamin pôi Nord e Sud celescj (Nando Patat, Archeoastronomie in Friûl)
-
s.f.
cualsisei robe che e vedi une forme lungje e fine:
si diseve che Mafalde […] e leiès l'avignî tai sfondacjs dal cafè e tes liniis de man (Carlo Sgorlon, Il dolfin);
une linie di mostacjutis neris (Sandri Di Suald, Ah! la provincie)
-
s.f.
[TS]
telecom.
segn convenzionâl dal alfabet Morse che al rispuint a un impuls lunc
Sin. rie
-
s.f.
segn tun termometri che al corispuint a un decim di grât e, par estension, mudament de temperadure di un decim di grât:
nol veve vude une linie di fiere di cuant che al jere al mont (Franca Mainardis, Aiar di cjase)
-
s.f.
profîl di une cualsisei struture:
la jerbe e lupie frescje, la linie dolce dai cuei dulinsom e je plui precise di vert (Dino Virgili, La aghe da pît la cleve)
Sin. forme
, profîl
-
forme di alc che e va daûr di une cierte funzion o di un ciert stîl:
i mobii, di linie taronde, lustris, lis poltronis di vilût colôr mîl, cu lis franzis, a jerin robe che si viodeve nome al cine (Carlo Sgorlon, Ombris tal infinît);
il gjornalist al cjalà ancjemò la bocje dal tunel. E veve une biele linie. L'architet che le veve dissegnade nol jere l'ultin rivât (Agnul di Spere, Fieste di inaugurazion)
Sin. forme
, stîl1
, ande
-
visualizazion o proiezion ideâl de union di doi ponts o dal limit che al corispuint a un pont di riferiment:
cun bondance il barbuç, che di soreplui si sburtave indenant su la linie dal nâs (Maria Forte, La cjase dal Murat);
une buine cuantitât di manufats di metal e je stade cjatade di plui bandis a Sud de linie des risultivis (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
-
s.f.
aspiet fisic dal cuarp uman, spec. in riferiment a une forme ideâl:
par jessi biele a lu ere pardabon, lu saveve ancje jê, e faseve di dut par mantignî la linie e lis formis (Bepi Zefon, Il mus in conciert)
-
s.f.
(ancje fig.)
element ideâl che al divît, che al unìs, che al segne un percors, une dinamiche e v.i.:
chê dai problemis economics e finanziaris e je une linie che e pee dute la vite de imprese di vie Volturno 29 (Max Mauro, Un Friûl difarent: i 90 mhz di Onde Furlane);
tal so libri al conte de dificoltât emotive tal frontâ la linie fine fine che e divît la vite de muart (Christian Romanin, Amato De Monte: Il Friûl, patrie des bataiis di civiltât)
-
maniere di procedi:
ogni partît (si visaiso?) si svante, ogni volte, di vê vinçût lis elezions o, di mâl che e vadi, di vê mostrât une buine tignude suntune linie di lizere flession (Riedo Pup, Sot vie o injenfri)
Sin. direzion
-
s.f.
complès di sieltis, criteris e v.i. che al fâs di riferiment intune ativitât:
o volìn sei la maiorance che e decît la linie dal partît (Adrian Cescje, Memoriis di politiche linguistiche);
i programs de Istruzion Publiche a tindevin a dislidrisâ de scuele lis influencis dai dialets determinant une linie di tindince che e sarès durade par plui di un secul (Odorico Serena, Il furlan tes scuelis e te universitât)
Sin. direzion
-
s.f.
secuence di segns grafics suntun sfuei:
Gloriam Deo in excelsis hodie, celestis primum cecinit exercitus […] son lis primis liniis di un In, "De Nativitate Domini", che [Paulin di Aquilee] al veve volût dedicâ a le nassite dal Signôr (Fogolâr Furlan di Melbourne, Il Furlan, XX, 4)
Sin. rie
-
[TS]
bancj.
scriture relative a ogni operazion contabile
-
s.f.
schirie di personis, robis, elements, un daûr di chel altri:
prin in sdrume, po nus àn metûts in linie par trê, cuatri di nô e a àn fate la selezion (Ivano Urli, Storie di Min)
Sin. rie
, file1
-
[TS]
milit.
complès dai oms, dai mieçs e des fortificazions ordenadis intune schirie che e forme un front continui cuintri dal nemì:
dopo cuindis dîs, nus àn fats trotâ fin su la Mont Grande, a ulà che o sin restâts in linie vincj dîs (Alan Brusini, I ribei);
al jere stât mandât a combati intal '42 in Jugoslavie, in Albanie, in Grecie e di li, ferît e justât, parât là sù sul Don, come soldât esploradôr de prime linie (Cristina Noacco, Faliscjis)
-
[TS]
sport
disposizion dai zuiadôrs che a àn un stes compit intun zûc a scuadre:
Musso tra i pâi, linie difensive cun Becao, Nuytinck e Samir, mediane cun Stryger Larsen, De Paul, Arslan, Pereyra e Zeegelaar e prime linie cun Pussetto e Okaka (Marc Stolf, Sassuolo - Udinese 0-0)
-
s.f.
[TS]
cum.
complès di prodots cu la stesse denominazion comerciâl:
cualchi "maison" ju à reinterpretâts [i scarpets] in clâf moderne, creant adiriture une linie (Oscar Puntel, Scarpets, tai pîts la tradizion)
Sin. serie
-
s.f.
servizi che al garantìs il traspuart tra doi lûcs:
i filobus de linie 92 a passavin insom de strade cul lôr ciuleç (Agnul di Spere, La pueme cu la vôs biele)
-
s.f.
[TS]
eletr., telecom.
complès di fîi e di sostegns pal passaç de corint eletriche o par mandâ segnâi eletromagnetics:
Nissun segnâl dal Palaç Rybnik, i disè la telefoniste. I disè alc di plui: dutis lis liniis di Varsavie a jerin mutis (Agnul di Spere, Messe di misdì a Varsavie);
sì al eletrodot, ma dome se la linie e passe sot tiere e se la sô gjestion e je ancje in man a une societât publiche (Redazion Radio Onde Furlane, Cjargne eletrodot sot tiere)
-
s.f.
[TS]
rist.
cuantitât di preparazions prontis pal moment dal servizi
