Dizionari de Lenghe Furlane

stîl¹  stîl  [FO]

1. s.m. forme particolâr di espression leterarie o artistiche tipiche di un autôr, di une ete, di un gjenar:  i doi poemis [Iliade e Odissee] a son diferents ancje par ciertis carateristichis di stîl e di lenghe, tant che e je nassude, za in ete antighe, la famose cuistion omeriche (Sandri Carrozzo, Pierluigi Visintin, Jentrade de Odissee); ogni scritour al scrîf e al compon in maniera diviersa e ognun al à il so "stîl". Chel stîl al è alc di interiour, platât, privât, e, massime, individuâl. Un stîl a nol è ne italian e ne todesc e ne furlan, al è di chel poeta e basta (Pier Paolo Pasolini, Dialet, lenga e stîl)
   
   1. ancje in riferiment a ogjets o prodots no artistics, ma che a àn in ogni câs une ricercje di aspiet estetic:  al si jere ancje procurât un libron plen di figuris, cun ducj i stîi di mobilie di doi trê secui indaûr (Carlo Sgorlon, Prime di sere); la «Pasticceria Centrale» un ambient fin une vorone. La machine dal cafè cul acetilen, puartis e vetrinis cun veris di cristal e lis tendinis, banc e scansie in stîl Liberty (Alan Brusini, Come tai romançs)
2. s.m. elegance formâl te composizion e te esecuzion di une opare o ancje di un prodot, di un lavôr, di une azion e v.i.:  al à almancul il merit di savê scrivi par talian cuntune robustece e soliditât di stîl che e je aromai une raritât (Josef Marchet, La storie "par ûs dal Delfin")
   Sin. forme
   
   1. elegance tal sielzi i vistîts, tal compuartâsi:  vistîsi cun stîl (Bete di Spere, Ce ti metistu intor?)
      Sin. elegance , finece
3. s.m. maniere usuâl di jessi, di esprimisi, di fâ:  daûr dal gno stîl di presentâ simpri robe pronte e scrite, o ai metût sot il nâs di Michelut un stampon di acuardi (Adrian Cescje, Memoriis di politiche linguistiche)
   Sin. ande
   
   1. mût di fâ istintîf:  se al si inrabie i ven subit il stîl di bastonâ (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
      Sin. mot , tîr , at
4. s.m. complès di caratars di alc che a permetin di assegnâlu a une cierte categorie:  la citât e jere dute li denant, cui palaçs di stîl speculazion (Agnul di Spere, Il puint de ledre); un machinon scûr ancje chel, sul stîl di chei dai cines, plen di cromaduris (Antescûr, L'om misteriôs)
   Sin. ande , ûs¹