finece
/-nè-/
fi|ne|ce
[AF]
-
s.f.
il jessi fin, sutîl, pôc grues
Sin. sutilece
-
s.f.
il jessi biel, elegant, delicât:
chês bielis cjantosis, plenis di finece e di poesie (Josef Marchet, Lis predicjis dal muini);
chi ta chist libri al pinsîr al è sintût cul cûr di un vêr furlan e l'è mitût li cuntune finece, cuntune proprietât che inamore (Ugo Pellis, Dô peraulis di preambul a Storiutis gurissanis)
Sin. elegance
, gracie
, classe
, cortesanie
, creance
, rafinatece
, distinzion
-
il savê compuartâsi e il compuartâsi in maniere biele, elegante, delicade:
in jê si pandeve une elegance di puartament, une finece aristocratiche (Carlo Sgorlon, Ombris tal infinît)
-
detai biel e elegant:
une tonie di regadin a bon presit, cence fodre e cence tantis finecis (Antoni Beline, La fabriche dai predis)
-
s.f.
il jessi atent e precîs o il jessi fat cun atenzion e precision:
un lavôr di grande finece, par la sielte dai argoments, pal mût di tratâju, par la documentazion dal percors (Pierino Donada, Une grande risorse)
Sin. cure
, curie1
, diligjence
, scrupul
-
s.f.
capacitât di doprâ la inteligjence in maniere profonde e precise
Sin. inteligjence
, perspicacitât
, sutilece
, penetrazion
-
cjatade inteligjente o furbe:
al puest di 60 minûts la une a vignaressin puartadis a 50 o pûr a 45 minûts. Capide la finece?: lis oris a restaressin simpri chês; al calarès nome il timp di scuele (Riedo Pup, Fâ e disfâ, dut un lavorâ);
[…] za birbant / a bastança tu sês par tâls finecis (Zuan Josef Busiç, La Eneide di Virgjili)
Sin. cjatade
, furbade
, furbarie
, cavîl
, sutilece
-
s.f.
massime tal pl., capacitât tipiche di cui che al è espert in alc o detai li che si viôt chê capacitât:
si veve però ancjemò l'intent di dimostrâ che il furlan al jere lenghe e no dialet e che al jere bon di pleâsi aes mil finecis di une traduzion (Maurizio Biasizzo, Di bielece no ‘nd è mai avonde)
Sin. segret
, plee
, sutilece