creance
/-à-/
cre|an|ce
[AF]
-
s.f.
complès des manieris di compuartâsi par tratâ chei altris cun rispiet e finece:
il gjenerâl Cittadini al jere propit un zentilom, plen di creance, alt, sec, biont, simpri ben metût (Pieri Somede dai Marcs, Sul prât Soreli);
i Clevis si incrosavin cun lui par strade e lu cjalavin dret tai voi cul voli fer e lu saludavin, sì, che il bundì al è une creance di dâlu (Dino Virgili, La aghe da pît la cleve);
no jere creance lâ tes cjasis a straoris (Maria Forte, L'aventari pal barcon);
"Nissun ti à insegnade la creance, a ti, no mo?" (Laurin Zuan Nardin, Il cop)
Sin. buine creance
, buine gracie
, civiltât
, educazion
, cortesie
, ce che si dîs
, mût
, maniere
-
s.f.
(scherç.)
piçule cuantitât di alc, spec. di alc di mangjâ o di bevi, che si lasse par che e puedi jessi cjapade di chei altris o par no mostrâ masse ingordisie:
a àn mangjât dut, no je restade nancje la creance;
lassâ la creance
Polirematichis e espressions idiomatichis
Proverbis:
- a tratâ cun creance no si fale mai
- al vâl plui un no cun creance che no un sì vilan
- beâts i ultins se i prins a àn creance
- cui che al à creance al campe un an, cui che no 'nd à al campe doi
- cui che al à creance al campe, cui che no 'nd à al campe miôr
- cui che nol à creance, no bisugne doprâle
- cui che nol rispiete la usance al mancje di creance
- la creance bisugne savê doprâle cuant che e covente
- la creance no discuince
- la mê creance e je di invidâ, la tô di dî di no
- nol baste cognossi la creance, bisugne ancje savê doprâle