ce che si dîs
[CO]
-
loc.pron.
alc o cdn. che al à ciertis carateristichis, che al corispuint a di une cierte definizion, che al fâs part di une cierte categorie e v.i.:
chest ca nol jere pardabon ce che si dîs un di chei umigns che ur fasin cori il sanc a lis fantatis (Gianni Gregoricchio, Trê feminis);
al jere ce che si dîs di intelet onest e nol pative di risintiment narcisistic (Adrian Cescje, Memoriis di politiche linguistiche)
Sin. chel che si dîs
-
loc.pron.
maniere juste di fâ, soredut par creance, o ancje par cure, cualitât e v.i.:
si à di savê tratâ cu la int, di vê un tic di ce che si dîs;
tu ti alenarâs, tu âs doi mês par tornâ a vê un pôc di ce che si dîs cul balon tal pît (Stiefin Morat, Donald dal Tiliment)
Sin. chel che si dîs
-
loc.pron.
in funz. di av., in costruzions par rimarcâ o che a valin tant che superlatîf:
si intint in dute segretece cuntune strie, e chê i fâs fâ une biele cocjete, ma biele ce che si dîs, e jê e fâs i siei strieçs parsore vie (Andreina Nicoloso Ciceri, I trê cjadreons - Racconti popolari friulani I)
Sin. chel che si dîs
-
loc.pron.
in funz di inter., par rimarcâ un fat curiôs, une emozion di sorprese, di rassegnazion o altri daûr dal contest:
"[…] La altre sere mo, ce che si dîs!, o vevi propri il cjâf a nolis […]" (Luigi Gortani, La ospitalitât)
Sin. chel che si dîs
Components:
-
ce1
pron.int., inter., pron.dim., adi.int., adi.escl., av., pron.indef., s.m.
-
dî
v.tr., v.intr., s.m.sing.