Dizionari de Lenghe Furlane

chel che si dîs    [CO]

1. loc.pron. alc o cdn. che al à ciertis carateristichis, che al corispuint a di une cierte definizion, che al fâs part di une cierte categorie e v.i.:  Zenco nol jere chel che si dîs un sfaçât, un impertinent cu lis feminis. Al jere plen di rispiet, di rivuarts, di misure (Meni Ucel, Misure); cheste conclusion e podarès someâ chel che si dîs un faliment (Adrian Cescje, Memoriis di politiche linguistiche)
   Sin. ce che si dîs
2. loc.pron. maniere juste di fâ, soredut par creance, o ancje par cure, cualitât e v.i.:  in chei moments si rindeve cont di no vê un fregul di chel che si dîs (Carlo Sgorlon, Il dolfin)
   Sin. ce che si dîs
3. loc.pron. in funz. di av., in costruzions par rimarcâ o che a valin tant che superlatîf
   Sin. ce che si dîs
4. loc.pron. in funz di inter., par rimarcâ un fat curiôs, une emozion di sorprese, di rassegnazion o altri daûr dal contest
   Sin. ce che si dîs

Components:

• chel adi.dim., pron.dim.
• dî v.tr., v.intr., s.m.sing.