distinzion
/-òn/
dis|tin|zi|on
[AF]
-
s.f.
at e risultât di individuâ e diferenziâ cdn. o alc:
al è cu la vieste che si à la distinzion clare e inecuivocabil fra i secolârs e i religjôs (Antoni Beline, La fabriche dai predis)
Sin. diference
, discriminazion
, disseparazion
, division
, sudivision
-
diference di tratament o di considerazion:
ce vuere! Dut il mont al jere scjassât di une bugade di distruzion criminâl. Industriis, monuments, citâts interiis distrutis tune gnot, cence remission, copant int cence distinzions (Pieri Menis, Sul agâr)
Sin. diference
, discriminazion
-
il jessi individuât e diferent:
in chei agns tra i zovins e jere fuarte la distinzion tra alternatîfs e borghês (Max Mauro, Un Friûl difarent: i 90 mhz di Onde Furlane);
il furlan al à une distinzion di lungjece dome tes vocâls tonichis (Sandri Carrozzo, Pierluigi Visintin, Jentrade de Odissee)
Sin. diference
, diferenziazion
-
s.f.
il vê un compuartament plui fin e creançôs de medie o il jessi di une fasse sociâl e economiche plui alte de medie:
doprant une altre lenghe o ancje un altri dialet, al crôt di cuistâsi une distinzion (Josef Marchet, Fevelâ ben);
di fieste Marilde si vistive propit ben […]. E cheste elegance, une sorte di travuart, i deve ancje il morbin, une distinzion di spirt che le faseve propit cjare (Alan Brusini, Par stradis lungjis)
Sin. finece
, elegance
, classe