division
/-òn/
di|vi|si|on / di|vi|sion
[FO]
-
s.f.
il dividi, il dividisi e il lôr efiet:
il pinsîr epistemologjic "tradizionâl" al met une division nete jenfri cuistions sientifichis e cuistions "religjosis", o plui in gjenerâl "metafisichis" (Sergio Cecotti, Teologjie algjebriche);
la division in silabis e va daûr di une serie di leçs di preference, che a son stadis sclaridis di Theo Vennemann (Paolo Roseano, La division in silabis dai sufìs -sion e -zion tal Grant Dizionari Bilengâl Talian - Furlan);
une division precise dal lavôr e des responsabilitâts tra lis variis organizazions centrâls (Alessandro Pascolini, Il disastri de centrâl nucleâr di Fukushima Dai-ichi);
chest carton al à ancje une dimension didatiche stant che al conte intune maniere semplice cemût che al è organizât un bôç cu lis sôs divisions sociâls, i assums e lis carateristichis principâls des diviersis âfs (Fabian Ros, Âf Blu)
Sin. distinzion
, distribuzion
, framentazion
, frazionament
, ripartizion
, scompart
, separazion
, spartizion
-
s.f.
[CO, TS]
dir.
partizion di un ben fra chei che ur tocje di dirit:
dopo la division de sostance cun so fradi siôr Tite di Nearêt di Cuar […] al jere vignût a stâ culì (Pieri Somede dai Marcs, Pre Josef)
Sin. partizion
-
s.f.
[TS]
mat.
operazion aritmetiche li che si calcole tropis voltis che un numar al sta intun altri:
imparâ a fâ lis divisions cun dôs cifris
-
s.f.
[TS]
biol., zool.
separazion in dôs o plui parts
-
s.f.
ognidun dai grups di personis coordenadis e dai lôr mieçs e struturis che a lavorin par un ciert fin specific e cuntune cierte autonomie in aziendis, aministrazions publichis e v.i.:
la plui part dal alt personâl dai uficis, divisions, sezions, comissariâts, ispetorâts dal machinari burocratic a partegnin a chel partît o, almancul, si cjatin in cunvigne cui liberâi suntun grum di cuistions (Josef Marchet, La scrassigne)
Sin. repart
, sezion
-
s.f.
[TS]
milit.
grande unitât operative, componude di brigadis o entitâts minôrs:
Fasiolo al veve invezit une storie par cont so, natîf di Novi Ligure, sergjent maiôr intropât te division panzer di Rommel su la strade di Alessandrie di Egjit (Ivano Urli, Storie di Min)
-
s.f.
[CO, TS]
sport
grup di scuadris che a zuin tra di lôr une schire di partidis, tant che un campionât, par vie che a son di un nivel di braùre avonde vualîf:
zuiâ te massime division;
lâ jù in seconde division
Sin. serie
-
s.f.
mancjance di acuardi, di armonie:
al è lât dut in grum: barufis, divisions, causis in preture, palanchis mangjadis cui avocats (Josef Marchet, Lis predicjis dal muini)
Sin. barufe
, contese
, diference
, contrast
, dissidie
, discussion
Proverbis:
- lis divisions a ruvinin lis fameis