repart
/-àrt/
re|part
[AF]
-
s.m.
part autonome o in cualchi maniere individuade di un complès organizât, soredut produtîf:
l'implant produtîf, di plui o mancul 5.000 metris cuadris, si cjate inte zone industriâl di Palme e al è componût di trê reparts produtîfs: produzion pes […]; produzion cjar […]; cusine pe lavorazion dal foie gras (Claudia Sacilotto, Jolanda Di Colò: aziende locâl agroalimentâr in evoluzion continue);
al veve imparât il cjaliâr i agns che al à sorestât un repart tune fabriche di scarpis (Ivano Urli, Storie di Vera)
Var. ripart
-
part di ospedâl organizade par curâ une cierte cualitât di malatiis:
lu gjavarin de sale di rianimazion par trasferîlu tal repart dai drogâts, dai pancreatics, dai bilôs (Amedeo Giacomini, Tal ospedâl);
pôc dopo al è rivât un miedi, mi àn dit che al jere il dotôr Colimedaglia e mi àn puartât tal so repart in Pneumologjie (Mario Beltramini, Jo e Graziella)
-
s.m.
[TS]
milit.
cualsisei unitât organiche che e je part di une unitât plui grande:
dispès si incrosavin cun reparts di soldâts che a lavin al front o cun caravanis di ferîts (Pieri Menis, Chei di Muraie);
dut il so repart al tornave al front, su la Plâf, dulà che al jere scomençât il cuintriatac talian (Roberto Ongaro, Il muc)
-
s.m.
(fig.)
grup di personis che a àn plui o mancul la stesse funzion, che a fasin insiemi une cierte ativitât:
i blancs e neris a rinfuartissin il lôr repart ofensîf, però il Toro si organize ben indaûr e pe scuadre furlane lis ocasions par tirâ in puarte a son pocjis (Marc Stolf, Udinese - Torino 0-1)
