distribuzion
/-òn/
dis|tri|bu|zi|on
[AF]
-
s.f.
il dâ fûr, il distribuî e il lôr risultât:
i zovins democristians a organizarin une distribuzion di volantins a chei che a jentravin inte sale cun intindiment denigratori viers la opare di Salvi (Adrian Cescje, Memoriis di politiche linguistiche)
-
il dâ alc a cdn. daûr di un ciert criteri:
la part plui puare de societât […] e vignive dispès sostentade par mieç de distribuzion anonarie dai grans (Fabian Ros, La invenzion dal stât);
i socialiscj a vevin individuât te cooperazion un strument bon par cjapâ sù lavôrs tal forest in maniere tutelade, cu la federazion des cooperativis e la distribuzion dai apalts (Matteo Ermacora, La emigrazion furlane in France 1820-1970)
Sin. atribuzion
, conferiment
, assegnazion
-
il furnî servizis publics:
al è fûr sul sît dal Comun il bant par afidâ in concession il servizi di distribuzion dal gas naturâl che al restarà viert fintremai i 4 di Lui (Marc Stolf, Distribuzion dal gas, fûr il bant pe concession dal servizi)
Sin. furnidure
-
s.f.
complès di posizions e densitât di cierts elements:
si viôt che la scriture di dut il sfuei e je une vore vualive e che la distribuzion su la cjarte e à une concezion unitarie (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie);
cheste specie [i sclops] no je tant difondude e la sô distribuzion in altitudin e je cjapade dentri fra i 1500 e i 2300 metris (Luciano Gaudenzio, Michele Zanetti, Dolomitis Furlanis. Lis vôs dal Cidin);
une reson di criticitât tai prins agns di introduzion dal furlan a scuele e je stade la distribuzion orarie tal curriculum scolastic des oris adizionâls di insegnament (Patrizia Pavatti, La tutele de lenghe furlane a scuele)
Sin. disposizion
, logament
, ordin
, sistemazion
-
s.f.
[TS]
econ.
complès des operazions comerciâls e di servizi che a puartin de produzion al consum:
lis dimensions dai marcjâts, de organizazion des risorsis, dai sistemis di produzion e distribuzion dai prodots, des proprietâts e dai moviments di capitâl a scomençavin a jessi continentâls o ben globâls (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)
Sin. consegne
, difusion
, furnidure
-
s.f.
[TS]
mec.
complès des operazions mecanichis che a regolin lis fasis dal cicli di un motôr termic
-
s.f.
[TS]
stat.
complès des frecuencis o probabilitâts che al è pussibil che si manifesti un ciert fenomen
-
s.f.
[TS]
ling.
ognidune des posizions che un ciert element linguistic al pues vê tune peraule o frase e rispiet a altris elements:
la categorie di POS [part dal discors] e je par solit la prime tant che il caratar plui di pês de peraule in cuistion cjalant la sô distribuzion sintatiche e semantiche inte lenghe (Vladimír Petkevič, trad. di Zorç Cadorin, Corpus linguistics)
-
s.f.
[TS]
fis.
rapresentazion dal pês relatîf che a puedin vê i valôrs di une grandece carateristiche dai elements di un insiemi
-
s.f.
[TS]
arch.
il complès dai problemis che a rivuardin la ubicazion di edificis e ambients daûr de lôr destinazion
-
s.f.
[TS]
fis., mat., stat.
funzion matematiche che e rapresente la densitât di probabilitât di une o plui variabilis casuâls