sistemazion
/-òn/
sis|te|ma|zi|on
[AF]
-
s.f.
il meti, il metisi o il jessi metût daûr di un ciert ordin o criteri, sedi di ogjets concrets che astrats, che di struturis, organizazions e v.i.:
se la Costituente taliane e ves smolât a dutis lis Regjons une sistemazion autonomistiche di cheste fate, […] o varessin ancje podût contentâsi di stâ sul plan de normalitât (Josef Marchet, Par intindisi);
la riforme "Gentile" dal 1923 e à dât une gnove sistemazion al implant des materiis (Stefano Perini, Il Liceu Classic "Jacopo Stellini" di Udin)
Sin. colocazion
, disposizion
, distribuzion
, ordenament
, ordin
-
s.f.
il meti a puest, il comedâ alc:
cambiaments e sistemazions in ogni ete no son rivâts a sfantâ dal dut chê filusumie di palaç nobil (Redazion SFF, Il Strolic furlan pal 1989)
Sin. comedade
, justade
, justadure
, riparazion
Cfr. restaur
-
s.f.
il procurâ un puest di stâ o di durmî e il puest li che si vîf o li che si è a durmî, ancje in maniere provisorie:
dopo de manifestazion dal mês di Lui, a son passâts altris doi mês e il grant probleme de sistemazion invernâl [dai taramotâts] nol è stât frontât (Igor Londero, Cuintristorie dal taramot);
in ocasion di Pentecostis al è dificil cjatâ une sistemazion a Leipzig (Checo Tam, La maree nere)
-
s.f.
puest di vore, soredut se al permet di tirâ indevant intune fase di dificoltât o se al da une cierte sigurece e un ciert benstâ:
la sô amie Dalia, che e jere a servizi tune famee di Triest, i veve cjatât traviers passeperaule chê sistemazion par assisti un om, che e al doveve jessi abadât dì e gnot (Egle Taverna, Un troi di lûs);
cu la iscrizion al Partît tu podaressis cjatâ une sistemazion (Meni Ucel, Ideis)