Dizionari de Lenghe Furlane

gracie  /-à-/  gra|ci|e  [FO]

1. s.f. mût di fâ fin e zentîl:  i doi zovins a calmarin la mame, le faserin sentâ doprant dute la gracie e lis tenarecis propriis dai fîs (Tarcisio Venuti, La cjase di Toni); e veve une gracie dute particolâr tal movisi, tal doprâ lis mans, tal fâ lis piçulis robis di ogni dì (Franca Mainardis, Il sium di Lissandri)
   Sin. creance , maniere , buinegracie , educazion , elegance , finece , delicatece , sest , zentilece , amabilitât , biel fâ , biel mût , cortesanie , cortesie , degnevolece , galantarie , garbature , rivuart¹
   Var. grazie
2. inter. complès di caratars estetics fins e zentîi:  mi pareve che te sô inocence di aspiet, te sô gracie delicade, si platàs une sostance plui insidiose e sutile (Carlo Sgorlon, Il dolfin); braçolant chel fantulin e veve tante gracie e tant cjandôr intorsi […], che a Matie i someà di vê li denant dai voi il simbul incjarnât de lôr felicitât (Pieri Menis, Sul agâr)
   Sin. armonie , elegance , finece , delicatece , sest , zentilece
3. s.f. [BF] tal pl., bielece fisiche o capacitât di seduzion, spec. di une femine:  e tirave fûr lis sôs graciis plui plenis di strieç, ma Costantin subit si voltave di chê altre bande (Carlo Sgorlon, Ombris tal infinît)
4. s.f. buine disposizion, benvolence:  o crôt che al sedi stât chest particolâr a fâme jentrâ in gracie (Gianni Gregoricchio, Trê feminis)
   Sin. afiet , amicizie , amistât , benvolence , buinegracie , favôr , simpatie
5. s.f. favôr particolâr:  fasimi une gracie, za che tu vâs a fâ la compre, cjolimi il zucar
   Sin. favôr , plasê² , cortesie
6. s.f. at che al concêt in maniere straordenarie di no scontâ une pene o une sô part:  il procès al fasarà 64 condanis, ma il re al darà la gracie, par finîle li (Elio Varutti, Il Risorziment a Martignà)
   Sin. perdon , perdonance
7. s.f. [TS] teol. amôr di Diu che al jude la virtût e la salvece dai cristians:  Crist, muart pai nestris pecjâts, al vûl dî che e je la gracie di Diu che e vinç la nestre tristerie (Francesc Placerean, La Pasche)
   
   1. (ancje iperb.) jutori dal Signôr, de Madone o di un Sant:  se la Vergjin Santa e Beada a voul fâni la grassia di stâ encjamò ta chistu mont, i ghi lu vin domandât da cristians, encja chista (Pier Paolo Pasolini, I Turcs tal Friûl); "… se il Signôr al ûl, o varìn la gracie di viodisi di gnûf…" (Jolanda Mazzon, Cungjò Friûl)
   2. miracul o fat magjic, straordenari:  i domande [ae tierce fade] la gracie che ce che al à tal pinsîr al deventi (Popolâr - Andreina Nicoloso Ciceri, Maletegne - Racconti popolari friulani I)
8. inter., s.m. espression par pandi che si à plasê e ricognossince, viôt graciis :  «Gracie, gracie… Tu mi jevis une crôs dal cûr» (Maria Forte, La tiere di Lansing); «No, no, gracie, che fin a ore di gustâ, no usi a cjoli nuie» (Roberto Ongaro, Cretevierte); nissun si è nancje insumiât di dînus un gracie (Pieri Somede dai Marcs, Lis nestris rosis)

Polirematichis e espressions idiomatichis

• buine gracie loc.s.f.
• di gracie loc.inter.
• dî gracie loc.v.
• di gracie che loc.coniun.
• fâ la gracie loc.v.
• gracie a loc.prep.
• gracie a Diu loc.av., loc.inter.
• gracie dal Signôr loc.s.f.
• gracie di Diu loc.s.f.
• graciis a loc.prep.
• in gracie a loc.prep.
• in gracie di loc.prep.
• in graciis a loc.prep.
• in graciis di loc.prep.
• male gracie loc.s.f.
• sore gracie loc.av., loc.adi.inv.

Proverbis:

• fate la gracie si à in cûl il sant
• femine cence gracie pôc e vâl tant che la mignestre cence sâl