perdon
/-òn/
per|don
[AF]
-
s.m.
at umanitari di rinunzie a cualsisei forme di punizion o di svindic:
nol è degn dal mio perdon, ma vie, sin gjenerôs: jal doi di cûr (Zuan Lurinçon, La batarele);
o ai mancjât di convenience, o lu ricognòs, i domandi perdon e lu prei di dâmi il mieç di riparâ a la mê mancjance (Bruno Paolo Pellarini, Amôr in canoniche)
Sin. perdonance
Cfr. scuse
-
ancje tant che inter. par domandâ scuse:
"Sì… confessi… ai falât… / confessi il mio pecjât… / perdon, marît, perdon! sintimi!… scolte!… / siare un voli, mio ben, ancje ste volte." (Pieri Çorut, I voi siarâts)
-
s.m.
[TS]
religj.
indulgjence dade de Glesie ai fedêi che a van in cierts lûcs di preiere
-
viaç rituâl intun santuari o intun puest par une fieste sacre, par domandâ la indulgjence o par rindi graciis:
dal '51, l'an del diluvi, denant di maridâsi, cuant che jere a Cjaçâs dongje so pari, a 'nd veve vude tante [di pôre] che à fat avout se rivave a salvâ la scusse, di lâ al perdon a Sant Antoni (Giovanni Gortani, Il meracul di Sant Antoni)
Cfr. pelegrinaç
-
fieste anuâl dedicade ae Madone o a di un sant par che al intercedi e al fasi vê la indulgjence ae comunitât:
in Friûl no passave fieste, stagjon, sagre, perdon, che sul sagrât o tune arie, plens i brantiei e i bocâi, no si fasès une danze di amôr o di gjonde (Alviero Negro, La cjase)
Cfr. sagre
Proverbis:
- a robâi a un ladron, a son cent agns di perdon