sagre
sa|gre
[FO]
-
s.f.
fieste che si fâs ogni an par une glesie o par un sant:
Il 17 di Zenâr e je la fieste di Sant Antoni […]. Sagre in Samardencje in chê dì, là che a lavin a trops une volte i fantats di Biliris (Meni Ucel, I colaçs);
pal dì de sagre, ven a stâi pal «perdon dal rosari», dutis lis fantatis dal paîs, e jere vecje usance, a screavin la cotule, fate a la ultime mode (Pieri Menis, Une cotule pal dì de sagre);
e je la sagre dal paîs: la procession e je finide e scuasi dute la zoventût, vignude fûr de glesie, si ingrume su la place (Pieri Somede dai Marcs, La cavalarice)
Var. segre
Cfr. fieste
-
s.f.
fieste popolâr cun marcjât e fiere di un prodot in particolâr:
o ai fat diviers concierts, come chel memorabil li de Sagre dai Piruçs di Pavie (Natascia Gargano, Un amì dal Friûl. Omar Pedrini);
a Rivis si fâs la "Sagre dai crots", là che il prin plat al è chel dai crots in friture (Istitût Comprensîf di Sedean, A torzeon par Sedean)
Sin. fieste
, fiere2
-
s.f.
(fig.)
manifestazion clare o ancje scjassose:
in chê cjase e jere une vere sagre di ros, di blanc, di narancin, di blu, di ogni pont di colôr (Franca Mainardis, Un bosc cence colôrs);
il Cuarantevot al è stât la sagre di dutis lis contradizions, dai moviments plui contraris che si sbregavin un cul altri (Josef Marchet, Trombis e tambûrs);
no si sa che si sein scomponûts masse, cuant che a àn cognossude la liste dai sorestants di chest gnûf guvier, che si podarès clamâlu "la sagre da la incompetence" (Josef Marchet, Debil il cerviel ma fuarte la gramule)
Polirematichis e espressions idiomatichis
Proverbis:
- e vâl plui la fieste in famee che no la sagre dal paîs
- la sagre dai amîs a dure cuindis dîs