Dizionari de Lenghe Furlane

fieste  /-ié-/  fies|te  [FO]

1. s.f. zornade che e celebre une solenitât religjose:  o si cjatìn insiemi culì, de Cjargne e di altris bandis dal Friûl par cheste fieste de Sense e des Crôs a Sant Pieri (Francesc Placerean, Il popul furlan al à ancjemò nostalgjie des robis bielis e santis); in ocasion de fieste di Ermacore e Fortunât, Int Furlane e presentà la publicazion dal Vanzeli di N. S. Jesù Crist, voltât par furlan dal grêc di pre Checo Placerean (Adrian Cescje, Memoriis di politiche linguistiche)
   Sin. inovâl ipon. , sagre ipon. , solenitât
   Cfr. perdon
   
   1. (par anton.) tal pl., il timp di Nadâl ae Pifanie:  [di nêf] a 'nd varìn par dutis lis fiestis, fin ae Pifanie… Fiestis blancjis! (Pieri Menis, Il pignarûl); il mês di Dicembar, sot fiestis, ancje li di jê al jentrà Toni purcitâr (Roberto Ongaro, Cretevierte)
2. s.f. zornade dulà che si celebre une solenitât civîl o une cierte categorie di personis o un aniversari particolâr:  i furlans pal mont si riunissin a Einsiedeln, in Svuizare, par une zornade di fieste, in compagnie (Riedo Pup, Fûr che al vegni cui che al è stât); la zornade dai 3 di Avrîl, la "Fieste de Patrie dal Friûl" (Marc Stolf, La Patrie, la Fieste e la propueste di leç regjonâl)
3. s.f. zornade che no si va a vore o a scuele:  une volte, la int no veve fat confusion fra fieste e dîs de vore, come cumò (Riedo Pup, I furlans e la mode)
4. s.f. cjatade di plui personis che si dan dongje pal gust di stâ in compagnie o par celebrâ alc:  Lenart al veve di metisi in mascare par lâ ae fieste dai siei amîs (Spirt Anonim, Eracsam); il re al clame ducj i princips e i rês, e al fâs une grande fieste (Andreina Nicoloso Ciceri, Maletegne - Racconti popolari friulani I); Stiefin lu veve invidât a une piçule fieste, che lui e i siei amîs dal grop culturâl a vevin inmaneât par stâ une ore in compagnie, par scambiâsi ideis e opinions, par mangjâ insiemi une bocjade (Franca Mainardis, Il sium di Lissandri)
   Sin. fraie
5. s.f. (fig.) robe, situazion, ocasion che al fâs stâ contents:  mi visi cuant che si cjapave sù e si vendemave: ce fieste là di Zuan! (Riedo Pup, Zuan Gjeremie); al jere il mês di Mai, fieste di rosis, di colôrs e di bon odôr (Pieri Menis, Sul agâr)
   Sin. bacan¹ , consolazion , content , felicitât , fraie , gaudie , gjoldude , glorie , gust , legrece , legrecûr , plasê²

Polirematichis e espressions idiomatichis

• a fieste loc.av., loc.adi.inv.
• e fieste loc.inter.
• e fieste finide loc.inter.
• e fieste in domo loc.inter.
• fâ fieste loc.v.
• fâ la fieste loc.v.
• regolâ di fieste loc.v.
• regolâ di fiestis loc.v.

Proverbis:

• a fiestis di Nadâl, ognidun al so cjavedâl
• al è mâl fâ vilie daspò de fieste
• cui che al lavore la fieste, e je tante tampieste
• cui che nol sa balâ che nol ledi su la fieste
• e vâl plui la fieste in famee che no la sagre dal paîs
• Epifanie, lis fiestis e mene vie
• fieste pe setemane e fâs la panze sclagne
• in cjase dai poltrons e je simpri fieste
• la veretât o di fieste o di dîs di vore tant che il vueli e ven parsore
• ogni dì no je fieste
• pai poltrons e je simpri fieste